ഛത്തീസ്ഗഡിൽ 9 മാവോയിസ്റ്റുകൾ കീഴടങ്ങി. ഒഡീഷ മാവോയിസ്റ്റ് കമ്മിറ്റിയിലെ ധംതാരി-ഗരിയബന്ദ്-നുവപാദ ഡിവിഷനു കീഴിലുള്ള നാഗ്രി, സിതനാദി ഏരിയ കമ്മിറ്റികളിലും മെയിൻപുർ ലോക്കൽ ഗറില്ല സ്ക്വാഡിന്റെയും ഭാഗമായ മാവോയിസ്റ്റുകളാണ് പിടിയിലായത്. ഇവരിൽ 7 പേർ വനിതകളാണ്. ഇതിൽ സീതാനടി ഏരിയാ കമ്മിറ്റി സെക്രട്ടറി ജ്യോതി (ജൈനി -28), ഡിവിഷൻ കമ്മിറ്റി അംഗം ബാലമ്മ (ഉഷ-45) എന്നിവരുടെ തലയ്ക്ക് സർക്കാർ 8 ലക്ഷം രൂപ വീതം പ്രഖ്യാപിച്ചിരുന്നു.
റോണി (ഉമ-25), നിരഞ്ജൻ (പൊടിയ-25), തെരാംദാസ് മർകം (30), സിന്ധു (സോമാദി-25), സന്നി (അമില -25), ചിറോ (റീന-25) എന്നിവരുടെ തലയ്ക്ക് 5 ലക്ഷം രൂപ വീതവും ലക്ഷ്മി (18)യുടെ തലയ്ക്ക് 1 ലക്ഷം രൂപയും സർക്കാർ പ്രഖ്യാപിച്ചിരുന്നു എന്ന് റായ്പുർ റേഞ്ച് ഇൻസ്പെക്ടർ ജനറൽ ഓഫ് പോലീസ് അമ്രേഷ് മിശ്ര പറഞ്ഞു.
