നിയമസഭാ തെരഞ്ഞെടുപ്പിൽ എൻഎസ്എസിന് സമദൂര നിലപാടെന്ന് വ്യക്തമാക്കി എൻഎസ്എസ് ജനറൽ സെക്രട്ടറി ജി. സുകുമാരൻ നായർ. ‘മുൻ നിലപാടിൽ മാറ്റമില്ല. ശരിദൂരം ശബരിമല വിഷയത്തിൽ മാത്രമാണ്. രാഷ്ട്രീയമായി അതിനെ കുഴക്കേണ്ടതില്ല. രാഷ്ട്രീയത്തോട് വെറുപ്പില്ല’ – ജി. സുകുമാരൻ നായർ പറഞ്ഞു.
കോട്ടയം പെരുന്നയിൽ നടക്കുന്ന 149ാമത് മന്നം ജയന്തി ആഘോഷത്തിനിടെ ആയിരുന്നു സുകുമാരൻ നായരുടെ പ്രതികരണം. മന്നം ജയന്തിയോട് അനുബന്ധിച്ച് വിപുലമായ ആഘോഷ പരിപാടികളാണ് പെരുന്നയിൽ നടക്കുന്നത്. സമുദായാചാര്യന് മുൻപിൽ സുകുമാരൻ നായർ പുഷ്പാർച്ചന നടത്തി.
ശബരിമല സ്വർണക്കൊള്ളയിൽ താൻ നിലപാട് വ്യക്തമാക്കിയതാണെന്നും അതിൽ കൂടുതൽ ഒന്നും പറയാനില്ലെന്നും സുകുമാരൻ നായർ പറഞ്ഞു.
