പ​യ്യ​ന്നൂ​രി​ൽ ഒ​രു കുടുംബത്തിലെ നാലു പേർ ആ​ത്മ​ഹ​ത്യ ചെയ്തു

മക്കളെ അമ്മയ്‌ക്കൊപ്പം വി​ടാ​ൻ കോ​ട​തി വി​ധി വ​ന്ന​തോ​ടെ ഒ​രു കുടുംബത്തിലെ നാലു പേർ ആ​ത്മ​ഹ​ത്യ ചെയ്തു. പ​യ്യ​ന്നൂ​ർ രാ​മ​ന്ത​ളി​യി​ൽ തി​ങ്ക​ളാ​ഴ്ച രാ​ത്രി ഒ​ൻ​പ​തോ​ടെ​യാ​ണ് സംഭവം. മരിച്ചത് കു​ടും​ബ പ്ര​ശ്ന​ത്തി​ലെ കോ​ട​തി ഉ​ത്ത​ര​വി​ന് പി​ന്നാ​ലെയാണെന്ന് സൂ​ച​ന. രാ​മ​ന്ത​ളി വ​ട​ക്കു​മ്പാ​ട് കെ.​ടി. ക​ലാ​ധ​ര​ൻ (38), അ​മ്മ ഉ​ഷ (60), ക​ലാ​ധ​ര​ന്‍റെ മ​ക്ക​ൾ ഹി​മ (5), ക​ണ്ണ​ൻ (2) എ​ന്നി​വ​രെ​യാ​ണ് മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഓ​ട്ടോ ഡ്രൈ​വ​റാ​യ ക​ലാ​ധ​ര​ന്റെ അച്ഛൻ ഉ​ണ്ണി​കൃ​ഷ്ണ​ൻ വീ​ട്ടി​ലെ​ത്തി​യ​പ്പോ​ൾ വീ​ട് അ​ട​ച്ച നി​ല​യി​ലാ​യി​ൽ ആയിരുന്നു. വി​ളി​ച്ചി​ട്ട് ആ​രു പ്ര​തി​ക​രി​ക്കാ​തെ വ​ന്ന​തി​ന് പി​ന്നാ​ലെ നോ​ക്കു​മ്പോ​ഴാ​ണ് വീ​ടി​നു മു​ന്നി​ൽ എ​ഴു​തി വ​ച്ചി​രു​ന്ന ക​ത്ത് ഉ​ണ്ണി​കൃ​ഷ്ണ​ൻ കണ്ടത്. പിന്നാലെ ഉ​ണ്ണി​കൃ​ഷ്ണ​ൻ ക​ത്തു​മാ​യി പോ​ലീ​സ് സ്റ്റേ​ഷ​നി​ൽ പോവുകയാ​യി​രു​ന്നു.

തു​ട​ർ​ന്ന് പോ​ലീ​സ് എ​ത്തി വീ​ട് തു​റ​ന്ന് നോ​ക്കി​യ​പ്പോ​ഴാ​ണ് കി​ട​പ്പു​മു​റി​യി​ൽ ക​ലാ​ധ​ര​നെ​യും ഉ​ഷ​യെ​യും തൂ​ങ്ങി​മ​രി​ച്ച നി​ല​യി​ലും മ​ക്ക​ൾ നി​ല​ത്ത് മ​രി​ച്ചു കി​ട​ക്കു​ന്ന നി​ല​യി​ലും ക​ണ്ട​ത്. കു​ടും​ബ കോ​ട​തി​യി​ൽ ക​ലാ​ധ​ര​നും ഭാ​ര്യ ന​യ​ൻ​താ​ര​യും ത​മ്മി​ലുള്ള കേ​സ് നി​ല​നി​ൽ​ക്കു​ന്നു​ണ്ട്. ക​ഴി​ഞ്ഞ ദി​വ​സമാണ് ക​ലാ​ധ​ര​ന്‍റെ കൂ​ടെ താ​മ​സി​ക്കു​ന്ന ര​ണ്ടു കു​ട്ടി​ക​​ളെ​യും അ​മ്മ​യ്ക്ക് ഒ​പ്പം വി​ടാ​ൻ കോ​ട​തി വി​ധി വ​ന്ന​ത്. പി​ന്നാ​ലെ ന​യ​ൻ​താ​ര മ​ക്ക​ളെ ആ​വ​ശ്യ​പ്പെ​ട്ട് ഫോൺ വി​ളി​ച്ചി​രു​ന്നെന്ന് ബ​ന്ധു​ക്ക​ൾ പോലീസിനോട് പറഞ്ഞു.