കെ എൻ എസ് എസ് എംഎസ് നഗർ കരയോഗം 2026 ജനുവരി 4ന് നടക്കുന്ന കുടുംബസംഗമത്തോടനുബന്ധിച്ചു കായിക മത്സരങ്ങൾ ആർ എസ് പാളയയിലെ ഡോ.രാജ്‌കുമാർ മൈതാനത്തിൽ നടന്നു. കെ എൻ എസ് എസ് ചെയർമാൻ ആർ.മനോഹരക്കുറുപ്പ്, പി ആർ ഒ ഡി.കൃഷ്ണ കുമാർ, സർവ്വഗ്നനഗര അർജുന അവാർഡി സ്പോർട്സ് അക്കാദമി പ്രസിഡണ്ട് സൂര്യൻ, വർക്കിംഗ് പ്രസിഡണ്ട് മുരളീധരൻ, എം എസ് നഗർ കരയോഗം പ്രസിഡണ്ട് ഉണ്ണികൃഷ്ണൻ, സെക്രട്ടറി ഇ സി ദേവിദാസ്, സംഗമം കൺവീനർ കെ ജയകുമാർ, മഹിളാ വിഭാഗം പ്രസിഡണ്ട് ശ്രീദേവി യുവജന വിഭാഗം പ്രസിഡണ്ട് അഖിൽ എന്നിവർ ചേർന്ന് ഉദ്‌ഘാടനം നിർവ്വഹിച്ചു. കൊച്ചുകുട്ടികൾ മുതൽ മുതിർന്ന അംഗങ്ങൾക്ക് വരെ എല്ലാ പ്രായക്കാർക്കും പലതരം കളികളും, വടംവലി, ഷോട്ട് പുട്ട്, മ്യൂസിക്കൽ ചെയർ, ഉച്ച ഭക്ഷണം എന്നിവയും സംഘടിപ്പിച്ചിരുന്നു. ദേശീയ ഗാനത്തോടെ പരിപാടികൾ സമാപിച്ചു.
