കൊയിലാണ്ടി എംഎൽഎ കാനത്തിൽ ജമീല അന്തരിച്ചു. അർബുദ രോഗത്തെ തുടർന്ന് കോഴിക്കോട്ടെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം സംഭവിച്ചത്. അസുഖബാധിതയായി കഴിഞ്ഞ കുറച്ചു ദിവസങ്ങളായി ചികിത്സയിലായിരുന്നു. കേരളത്തിലെ മുസ്ലിം മാപ്പിള സമുദായത്തിൽ നിന്നുള്ള ആദ്യ വനിതാ എംഎൽഎ ആയിരുന്നു കാനത്തിൽ ജമീല.
2005ൽ ചേളന്നൂര് ബ്ലോക്ക് പഞ്ചായത്ത് പ്രസിഡണ്ടായ ജമീല 2010-ല് കോഴിക്കോട് ജില്ലാ പഞ്ചായത്ത് പ്രസിഡണ്ടുമായി. 2020-ല് രണ്ടാം തവണയും ജില്ലാ പഞ്ചായത്ത് പ്രസിഡണ്ട് സ്ഥാനത്തെത്തി. 2021-ല് നിയമസഭാ തിരഞ്ഞെടുപ്പിൽ കൊയിലാണ്ടിയി മണ്ഡലത്തിൽനിന്ന് നിയമസഭയിലെക്കെത്തി.
അത്തോളി സ്വദേശിനിയാണ് കാനത്തില് ജമീല. കാനത്തില് അബ്ദുറഹ്മാന് ആണ് ഭര്ത്താവ്.
മക്കള്: അയ്റീജ് റഹ്മാന്, അനൂജ.
