വാ​യു​വി​ൽ​നി​ന്ന് ക​ര​യി​ലേ​ക്ക് തൊ​ടു​ക്കാ​വു​ന്ന ഹാ​മ​ർ മി​സൈ​ലു​ക​ൾ നി​ർ​മ്മിക്കാനൊരുങ്ങി ഇ​ന്ത്യ

വാ​യു​വി​ൽ​നി​ന്ന് ക​ര​യി​ലേ​ക്ക് തൊ​ടു​ക്കാ​വു​ന്ന ഹാ​മ​ർ മി​സൈ​ലു​ക​ൾ നി​ർ​മ്മിക്കാനൊരുങ്ങി ഇ​ന്ത്യ. ഫ്രാ​ൻ​സു​മാ​യി ചേ​ർ​ന്ന് ഇത് സം​ബ​ന്ധി​ച്ച സം​യു​ക്ത സം​രം​ഭ സ​ഹ​ക​ര​ണ ക​രാ​റി​ൽ ഇ​രു സ്ഥാ​പ​ന​ങ്ങ​ളും ഒ​പ്പു​വ​ച്ചു. ഫ്ര​ഞ്ച് ക​മ്പ​നി സ​ഫ്രാ​ൻ ഇ​ല​ക്ട്രോ​ണി​ക്സ് ആ​ൻ​ഡ് ഡി​ഫ​ൻ​സും (സെ​ഡ്) പൊ​തു​മേ​ഖ​ലാ സ്ഥാ​പ​ന​മാ​യ ഭാ​ര​ത് ഇ​ല​ക്ട്രോ​ണി​ക്സ് ലി​മി​റ്റ​ഡും (ബെ​ൽ) സം​യു​ക്ത​മാ​യാ​ണു ഹൈ​ലി അ​ജൈ​ൽ മോ​ഡു​ലാ​ർ മ്യൂ​ട്ടേ​ഷ​ൻ എ​ക്റ്റെ​ൻ​ഡ​ഡ് റേ​ഞ്ച് (ഹാ​മ​ർ) സ്മാ​ർ​ട്ട് മി​സൈ​ലു​ക​ൾ നി​ർ​മ്മിക്കു​ന്ന​ത്. ഈ വർഷം ബെം​ഗ​ളൂ​രു​വി​ൽ ന​ട​ന്ന എ​യ്റോ ഇ​ന്ത്യ ഷോ​യി​ൽ ഒ​പ്പു​വ​ച്ച ധാ​ര​ണാ​പ​ത്ര​ത്തി​ന്‍റെ തു​ട​ർ​ച്ച​യാ​യാ​ണ് ഈ ​ക​രാ​ർ.

ക​രാ​ർ​പ്ര​കാ​രം മി​സൈ​ൽ നി​ർ​മാ​ണ​ത്തി​ന് സെ​ഡി​നും ബെ​ല്ലി​നും 50 ശ​ത​മാ​നം വീ​തം പ​ങ്കാ​ളി​ത്ത​മു​ള്ള പ്രൈ​വ​റ്റ് ലി​മി​റ്റ​ഡ് ക​മ്പ​നി സ്ഥാ​പി​ക്കും. മി​സൈ​ലി​ന്‍റെ 60 ശ​ത​മാ​ന​വും ഇ​ന്ത്യ​ൻ നി​ർമ്മി​ത ഭാ​ഗ​ങ്ങ​ളാ​യി​രി​ക്കും. ഹാ​മ​ർ മി​സൈ​ലു​ക​ളു​ടെ നി​ർ​മാ​ണം, വി​ത​ര​ണം, അ​റ്റ​കു​റ്റ​പ്പ​ണി എ​ന്നി​വ​യെ​ല്ലാം ഇ​തി​നു കീ​ഴി​ലാ​കും ന​ട​ത്തു​ക. വ്യോ​മ​സേ​ന ഉ​പ​യോ​ഗി​ക്കു​ന്ന നാ​വി​ക​സേ​ന വാ​ങ്ങു​ന്ന റ​ഫാ​ൽ നേ​വ​ൽ വി​മാ​ന​ങ്ങ​ളി​ലും റ​ഫാ​ൽ യു​ദ്ധ​വി​മാ​ന​ങ്ങ​ളി​ലും പു​തി​യ ഹാ​മ​ർ മി​സൈ​ലു​ക​ൾ ഘ​ടി​പ്പി​ക്കും.