റീ-റിലീസിന് ഒരുങ്ങി രജിനികാന്തിൻ്റെ ബാഷ;

രജിനികാന്തിൻ്റെ സൂപ്പര്‍ഹിറ്റ് ചിത്രം ബാഷ റീ-റിലീസിന്. പുറത്തിറങ്ങി 30 വര്‍ഷം തികയ്ക്കുന്ന പശ്ചാത്തലത്തിലാണ് അണിയറപ്രവര്‍ത്തകര്‍ ചിത്രം റീറിലീസിനൊരുങ്ങുന്നത്. 4കെ സാങ്കേതികത്തികവോടെയാണ് ചിത്രം റീറിലീസിനൊരുങ്ങുന്നത്. ഡോള്‍ബി അറ്റ്‌മോസ് സാങ്കേതികവിദ്യ ഉഗ്രന്‍ ശ്രവ്യാനുഭവവും സമ്മാനിക്കും.
1995-ജനുവരി 12- നാണ് രജിനികാന്തും നഗ്മയും പ്രധാനവേഷത്തിലെത്തിയ ചിത്രം റിലീസ് ചെയ്തത്. ചിത്രം വന്‍ വിജയം സ്വന്തമാക്കിയിരുന്നു. തമിഴ് പ്രേക്ഷകര്‍ ഇരുകൈയ്യും നീട്ടിയാണ് ചിത്രത്തെ വരവേറ്റത്. മാസും ക്ലാസും ചേര്‍ന്നതായിരുന്നു രജിനികാന്തിൻ്റെ പ്രകടനം. രജിനികാന്തിൻ്റെ കരിയറിലെ തന്നെ ഏറ്റവും വലിയ ഹിറ്റുകളിലൊന്നായിരുന്നു ബാഷാ.