എണ്ണവാങ്ങൽ ഇന്ത്യ അവസാനിപ്പിക്കുമെന്ന ട്രംപിൻ്റെ അവകാശവാദം തള്ളി ഇന്ത്യ

റഷ്യയിൽ നിന്നുള്ള എണ്ണവാങ്ങൽ ഇന്ത്യ അവസാനിപ്പിക്കുമെന്ന് ഇന്ത്യ ഉറപ്പു നൽകിയെന്ന യുഎസ് മുൻ പ്രസിഡണ്ട് ഡോണൾഡ് ട്രംപിൻ്റെ അവകാശവാദം തള്ളി വിദേശകാര്യ മന്ത്രാലയം. ഇന്ത്യ സ്വന്തം പൗരൻമാരുടെ താൽപ്പര്യങ്ങൾ സംരക്ഷിക്കുന്നതിലാണ് പ്രധാന ശ്രദ്ധ ചെലുത്തുന്നതെന്ന് വിദേശകാര്യ മന്ത്രാലയ വക്താവ് രൺധീർ ജയ്‌സ്വാൾ വ്യക്തമാക്കി.
എണ്ണ പ്രധാനമായും ഇറക്കുമതി ചെയ്യുന്ന രാജ്യമായ ഇന്ത്യയുടെ നയങ്ങൾ രാജ്യത്തിൻ്റെ താൽപ്പര്യങ്ങൾ സംരക്ഷിക്കുന്നതിലേക്കാണ് രൂപപ്പെടുത്തിയിരിക്കുന്നതെന്നും അദ്ദേഹം പറഞ്ഞു. ഊർജ്ജവിലയിലെ സ്ഥിരതയും ലഭ്യതയിലെ ഉറപ്പുമാണ് ഇന്ത്യയുടെ ഊർജ്ജനയത്തിൻ്റെ മുഖ്യ ലക്ഷ്യങ്ങൾ. വിപണി സാഹചര്യങ്ങൾ അനുസരിച്ച് ഊർജ്ജ ഉറവിടങ്ങൾ വൈവിധ്യമാർന്നതാക്കാനാണ് ഇന്ത്യയുടെ സമീപനം. റഷ്യ – യുക്രൈൻ സംഘർഷം ആരംഭിച്ച 2022 മുതൽ ഇന്ത്യ ഈ നിലപാട് ആവർത്തിച്ച് വ്യക്തമാക്കിയുവരുന്നതായും വക്താവ് പറഞ്ഞു.