ശബരിമല സ്വർണ്ണപ്പാളി വിവാദത്തിൽ ശബരിമല മുൻ അഡ്‌മിനിസ്ട്രേറ്റീവ് ഓഫീസർ ബി. മുരാരി ബാബുവിന് സസ്പെ‌ൻഷൻ. വിജയ് മല്യ 2019 ൽ നൽകിയ സ്വർണ്ണം ചെമ്പാണെന്ന് റിപ്പോർട്ട് നൽകിയ മുൻ അഡ്‌മിനിസ്ട്രേറ്റീവ് ഓഫീസർ ബി. മുരാരി ബാബു നിലവിൽ തിരുവിതാംകൂർ ദേവസ്വം ബോർഡ് ഡെപ്യൂട്ടി കമ്മീഷണറാണ്.
ഉണ്ണികൃഷ്ണ‌ൻ പോറ്റിയുടെ കൈയിൽ 2025 ൽ സ്വർണ്ണപ്പാളികൊടുത്തു വിട്ടതും മുരാരി ബാബുവാണ്. അന്ന് ശബരിമല എക്‌സിക്യൂട്ടീവ് ഓഫീസറായിരുന്നു മുരാരി ബാബു.
എന്നാൽ സ്വർണ്ണപ്പാളി വിവാദത്തിൽ വീഴ്‌ചയിൽ പങ്കില്ലെന്നാണ് മുരാരി ബാബു പ്രതികരിച്ചത്.
മഹസറിൽ ചെമ്പ് പാളിയെന്ന് രേഖപ്പെടുത്തിയത് തന്ത്രിയുടെ കത്തിൻ്റെ അടിസ്ഥാനത്തിലാണ്. താൻ നൽകിയത് പ്രാഥമിക റിപ്പോർട്ട് മാത്രമാണെന്നും അദ്ദേഹം പ്രതികരിച്ചു.
