വിദ്യാർത്ഥികൾക്ക് എച്ച് 1എൻ1 രോഗലക്ഷണങ്ങൾ, കുസാറ്റ് ക്യാമ്പസ് അടച്ചു; നാളെ മുതൽ ഓൺലൈൻ ക്ലാസ്

എറണാകുളത്തെ കുസാറ്റ് ക്യാമ്പസ്, വിദ്യാർഥികൾക്ക് എച്ച് വൺ എൻ വൺ രോഗ ലക്ഷണങ്ങൾ കണ്ടെത്തിയതിനെ തുടർന്ന് 5 ദിവസത്തേക്ക് അടച്ചു. വെള്ളിയാഴ്ച മുതൽ അധ്യായനം ഓൺലൈനായിരിക്കുമെന്ന് അധികൃതർ അറിയിച്ചു. ക്യാമ്പസ് അടച്ചത് ഓഗസ്റ്റ് 5 വരെയാണ്. കുസാറ്റിലെ 15 ഹോസ്റ്റലുകളിൽ 2 ഹോസ്റ്റലിലെ വിദ്യാർഥികൾക്കാണ് രോഗ ലക്ഷണങ്ങൾ കണ്ടെത്തിയത്. 10 വിദ്യാർത്ഥികൾ ഇതിനോടകം ചികിത്സ തേടിയിട്ടുണ്ട്. കേരളത്തിന് പുറത്തുള്ളവർ ഒഴികെ മറ്റെല്ലാ വിദ്യാർഥികളും ഹോസ്റ്റൽ മുറികൾ ഒഴിയാനും നിർദേശം നൽകിയിട്ടുണ്ട്.