വിദ്യാർത്ഥിയുമായി അർദ്ധനഗ്നയായി വീഡിയോ കോൾ ചെയ്ത അദ്ധ്യാപിക അറസ്റ്റിൽ. നവി മുംബൈയിൽ 35 കാരിയായ യുവതിയാണ് അറസ്റ്റിലായത്. പോക്സോ വകുപ്പാണ് അദ്ധ്യാപികയ്ക്കെതിരെ ചുമത്തിയിരിക്കുന്നത്. അദ്ധ്യാപിക അശ്ലീലച്ചുവയുള്ള മെസേജുകൾ കഴിഞ്ഞ കുറച്ച് നാളുകളായി ഇൻസ്റ്റാഗ്രാം ഉൾപ്പെടെയുള്ള സമൂഹമാദ്ധ്യമങ്ങളിലൂടെ വിദ്യാർത്ഥിക്ക് അയക്കാറുള്ളതായി പൊലീസ് പറഞ്ഞു.
അർദ്ധനഗ്നയായുള്ള വീഡിയോകോളുകൾ ഇതിനുശേഷമാണ് ആരംഭിച്ചത്. ഏറെ നാളായി ഇത് തുടർന്നതോടെ വിദ്യാർത്ഥി മാതാപിതാക്കളെ വിവരമറിയിക്കുകയായിരുന്നു. അദ്ധ്യാപികയ്ക്കെതിരെ തുടർന്നാണ് മാതാപിതാക്കൾ പൊലീസിൽ പരാതി നൽകിയത്. വിദ്യാർത്ഥിക്ക് അദ്ധ്യാപികയുടെ പ്രവൃത്തികൾ മാനസികാഘാതമുണ്ടാകുന്നതിന് കാരണമായതായി മാതാപിതാക്കൾ പറയുന്നു.
അദ്ധ്യാപിക മറ്റ് വിദ്യാർത്ഥികളോടും ഇത്തരത്തിൽ പെരുമാറിയിട്ടുണ്ടോയെന്ന് പൊലീസ് പരിശോധിക്കുകയാണ്. പൊലീസ് യുവതിയുടെ മൊബൈൽ ഫോൺ പിടിച്ചെടുത്തു. സമൂഹമാദ്ധ്യമ അക്കൗണ്ടുകളും പൊലീസ് പരിശോധിക്കുകയാണ്.
ഒരു വർഷത്തോളമായി 16 കാരനായ വിദ്യാർത്ഥിയെ ലൈംഗിക പീഡനത്തിനിരയാക്കിയ അദ്ധ്യാപിക മുംബൈയിൽ അറസ്റ്റിലായി ആഴ്ചകൾക്കു ശേഷമാണ് പുതിയ കേസ് പുറത്തുവന്നിരിക്കുന്നത്. വിവാഹിതയായ ഈ അദ്ധ്യാപികയെയും പോക്സോ പ്രകാരം പൊലീസ് അറസ്റ്റ് ചെയ്തിരുന്നു.
