അച്യുതാനന്ദൻ പഠിച്ച സ്‌കൂളിന് അദ്ദേഹത്തിൻ്റെ പേര് നൽകണം: ജി.സുധാകരൻ

അന്തരിച്ച മുൻമുഖ്യമന്ത്രിയും സിപിഎം നേതാവുമായ വി.എസ് അച്യുതാനന്ദൻ പഠിച്ച സ്‌കൂളിന് അദ്ദേഹത്തിൻ്റെ പേര് നൽകണമെന്ന് സിപിഎം നേതാവും മുൻ മന്ത്രിയുമായ ജി.സുധാകരൻ. സുധാകരൻ ഇതുസംബന്ധിച്ച് വിദ്യാഭ്യാസ മന്ത്രിക്ക് കത്ത് നൽകി. വി.എസ്സിൻ്റെ പേര് പറവൂർ ഗവ: സ്‌കൂളിന് നൽകണം എന്ന് ആവശ്യപ്പെട്ട് കൊണ്ടാണ് കത്ത് നൽകിയത്. ഗവൺമെൻ്റിന് ഇത് ജനങ്ങളുടെ ഇടയിൽ മതിപ്പുളവാക്കുന്ന ഒരു നടപടി ആയിരിക്കും എന്നും ജി സുധാകരൻ കത്തിൽ പറയുന്നു. വി എസിൻ്റെ പേര് പറവൂർ സർക്കാർ സ്‌കൂളിൻ്റെ രണ്ടു വിഭാഗത്തിനും നൽകണമെന്നാണ് ആവശ്യം. വൈകാതെ ഉത്തരവ് ഉണ്ടാകുമെന്ന പ്രത്യാശയും ജി സുധാകരൻ പ്രകടിപ്പിച്ചു.