മുഖ്യമന്ത്രിസ്ഥാനത്തെ ചൊല്ലി കർണാടകയിൽ തർക്കം രൂക്ഷമാകുന്നതിനിടെ നിർണായക പ്രതികരണവുമായി ഡി.കെ. ശിവകുമാർ. പാർട്ടി പറയുന്ന എന്ത് ജോലിയും ചെയ്യുമെന്നും മുഖ്യമന്ത്രി സ്ഥാനത്തിനായി താൻ വാശി പിടിക്കില്ലെന്നും ശിവകുമാർ പറഞ്ഞു. സമുദായ അടിസ്ഥാനത്തിൽ മുഖ്യമന്ത്രിയെ നിശ്ചയിക്കണമെന്ന നിർദേശത്തോട് താൻ യോജിക്കില്ലെന്നും തൻ്റെ സമുദായം കോൺഗ്രസാണെന്നും ശിവകുമാർ കൂട്ടിച്ചേർത്തു.
ഇരുപത് വര്‍ഷക്കാലം കോണ്‍ഗ്രസിൻ്റെ അധ്യക്ഷയായിരുന്നു സോണിയാ ഗാന്ധി. സോണിയാ ഗാന്ധിയും അധികാരത്യാഗം ചെയ്തിട്ടുണ്ട്. അന്നത്തെ രാഷ്ട്രപതിയായിരുന്ന അബ്ദുള്‍ കലാം പ്രധാനമന്ത്രിയാകാന്‍ സോണിയാ ഗാന്ധിയെ വിളിച്ചു. എന്നാല്‍, സോണിയാ ഗാന്ധി അത് നിരസിച്ചു. – ശിവകുമാര്‍ പറഞ്ഞു.
“മുഖ്യമന്ത്രി സ്ഥാനത്തെചൊല്ലി കോൺഗ്രസിൽ തർക്കങ്ങളുണ്ടാകില്ല. ഉടനെ മുഖ്യമന്ത്രി ആകണമെന്ന് ആഗ്രഹം ഒന്നുമില്ല. ഹൈക്കമാൻഡ് എന്ത് തീരുമാനം എടുത്താലും അംഗീകരിക്കും.’-ശിവകുമാർ പറഞ്ഞു.
