പീനിയ മേൽപാലത്തിലെ ഭാരപരിശോധന മാറ്റിവച്ചു; പാലം അടച്ചിടില്ലെന്ന് ട്രാഫിക് പൊലീസ്

പീനിയ മേൽപാലത്തിലെ അവസാനവട്ട ഭാര പരിശോധന മാറ്റിവച്ചതിനാൽ ഇനിയൊരറിയിപ്പുണ്ടാകുന്നതു വരെ പാലം അടച്ചിടില്ലെന്ന് ട്രാഫിക് പൊലീസ് അറിയിച്ചു. ഭാരപരിശോധനയ്ക്ക് ഇന്നു മുതൽ 17 വരെ അടച്ചിടുമെന്നായിരുന്നു അറിയിച്ചിരുന്നത്. 15ന് പ്രധാനമന്ത്രി നരേന്ദ്ര മോദി മണ്ഡ്യ സന്ദർശിക്കുന്നതിനാൽ ഗതാഗത തടസ്സമുണ്ടാകാതിരിക്കാനാണ് ഭാരപരിശോധന മാറ്റിവച്ചതെന്നാണ് വിവരം.