എണ്ണ ഉത്പാദക രാജ്യങ്ങളുടെ കൂട്ടായ്മയായ ഒപെകിൽ നിന്നും ഒപെക് പ്ലസിൽ നിന്നും യുഎഇ പിൻമാറി. നിലവിലെ വിപണി ആവശ്യങ്ങൾക്കനുസരിച്ചുള്ള മാറ്റമെന്നാണ് യുഎഇയുടെ വിശദീകരണം. തീരുമാനം മേയ് ഒന്നു മുതൽ പ്രാബല്യത്തിൽ വരും. ഒപെകിൽ 1967 മുതലുള്ള അംഗമാണ് യുഎഇ. ദേശീയ താത്പര്യവും നിക്ഷേപകരോടുള്ള കടമയും മുൻനിറുത്തിയാണ് പിൻമാറ്റമെന്നാണ് യുഎഇ വ്യക്തമാക്കുന്നത്.
സൗദി അറേബ്യയുമായുള്ള അഭിപ്രായവ്യത്യാസങ്ങളാണ് യുഎഇയുടെ തീരുമാനത്തിന് പിന്നിലെന്നാണ് സൂചന. യുഎഇ സ്വന്തം നിലയിൽ എണ്ണ ഉത്പാദനം വർധിപ്പിക്കാനും വിപണിയിൽ കൂടുതൽ സ്വാധീനം ഉറപ്പിക്കാനുമാണ് ലക്ഷ്യമിടുന്നത്. ഇന്ത്യയെ ഈ സാഹചര്യം ഗുരുതരമായി ബാധിച്ചേക്കാം. ഇന്ധനവില വർധനവിനൊപ്പം നിത്യോപയോഗ സാധനങ്ങളുടെ വിലക്കയറ്റത്തിനും ഇത് കാരണമായേക്കും
