ഗുജറാത്തിലെ സുരേന്ദ്രനഗറിൽ ദേശിയപാതയിൽ അമിതവേഗത്തിൽ എത്തിയ ട്രക്ക് ഇടിച്ച് ആറ് തീർഥാടകർ ഉൾപ്പെടെ ഏഴ് പേർ മരിച്ചു. രാജ്കോട്ടിലെ ഗദ്ക ഗ്രാമത്തിൽ നിന്ന് ദേകവാലയിലെ ക്ഷേത്രത്തിലേക്ക് കാൽനടയായി യാത്ര ചെയ്യുകയായിരുന്നു തീർഥാടക സംഘം. ലഖ്താർ-വിരാംഗാം പാതയിൽ ടയർ മാറ്റുന്നതിനായി റോഡരികിൽ നിർത്തിയിട്ടിരുന്ന ഒരു ലോറി മറികടക്കാൻ ശ്രമിക്കുകന്നതിനിടെയാണ് പിന്നിൽ നിന്ന് വന്ന ട്രക്ക് ഇടിച്ചുതെറിപ്പിച്ചത്. പത്തോളം പേരാണ് അപകടത്തിൽപ്പെട്ടത്.
ആറ് തീർഥടകരും സംഭവസ്ഥലത്തുവച്ചു തന്നെ മരിച്ചു. ട്രക്കിടിച്ച ലോറി ഡ്രൈവർ ചികിത്സയിലായിരിക്കെ മരണത്തിന് കീഴടങ്ങി. അപകടം കണ്ടുനിന്ന യാത്രക്കാരാണ് പോലീസിനെ വിവരം അറിയിച്ചത്. ഉടൻ തന്നെ പോലീസ് സ്ഥലത്തെത്തി തുടർ നടപടികൾ സ്വീകരിച്ചു.
