കേന്ദ്ര വിദ്യാഭ്യാസ മന്ത്രി സ്ഥാനത്ത് നിന്ന് ധർമേന്ദ്ര പ്രധാൻ രാജിവെച്ചതിനെ തുടർന്ന് പുതിയ മന്ത്രിയെ കണ്ടെത്താനുള്ള നീക്കങ്ങൾ സജീവമായതായി റിപ്പോർട്ട്. ശിവസേന (ഷിൻഡെ വിഭാഗം) എംപിയും മുൻ മഹാരാഷ്ട്ര മുഖ്യമന്ത്രി ഏക്‌നാഥ് ഷിൻഡെയുടെ മകനുമായ ഡോ. ശ്രീകാന്ത് ഷിൻഡെയുടെ പേരാണ് കേന്ദ്ര നേതൃത്വത്തിൻ്റെ പരിഗണനയിലുള്ളതെന്നാണ് പാർലമെന്ററി വൃത്തങ്ങൾ സൂചിപ്പിക്കുന്നത്.
നീറ്റ് ഉൾപ്പെടെയുള്ള പരീക്ഷാ വിവാദങ്ങൾക്കൊടുവിൽ രൂപപ്പെട്ട രാഷ്ട്രീയ സാഹചര്യത്തിന് പരിഹാരം കാണുന്നതിനും എൻഡിഎ സഖ്യകക്ഷികൾക്ക് മന്ത്രിസഭയിൽ കൂടുതൽ പ്രാതിനിധ്യം ഉറപ്പാക്കുന്നതിനുമായാണ് ഈ നീക്കമെന്നാണ് റിപ്പോർട്ടുകൾ. ബിജെപിയും ശിവസേനയും തമ്മിൽ ഇതുസംബന്ധിച്ച് ചർച്ചകൾ പുരോഗമിക്കുകയാണെന്നും ഉടൻ നടക്കാനിരിക്കുന്ന കേന്ദ്ര മന്ത്രിസഭാ പുനഃസംഘടനയിൽ ഔദ്യോഗിക പ്രഖ്യാപനമുണ്ടാകുമെന്നുമാണ് സൂചന.
