ഏഴ് അതിവേഗ റെയില് ഇടനാഴികളാണ് ധനമന്ത്രി നിര്മ്മലാ സീതാരാമന് പ്രഖ്യാപിച്ചത്. അതിവേഗ റെയില് ഇടനാഴിയില് കേരളം ഇല്ല. ഹൈദരാബാദ്-ബെംഗളൂരു, ചെന്നൈ-ബെംഗളൂരു, മുംബൈ-പൂനെ, പൂനെ-ഹൈദരാബാദ്, ഹൈദരാബാദ്-ചെന്നൈ, ഡല്ഹി-വാരാണസി, വാരാണസി-സിലിഗീരി എന്നിവയാണ് ഏഴ് അതിവേഗ റെയില് കോറിഡോറുകള്.
അതേസമയം കേരളം അടക്കം നാല് സംസ്ഥാനങ്ങളെ ബന്ധിപ്പിക്കുന്ന ധാതു ഇടനാഴി പ്രഖ്യാപിച്ചു. കേരളം, തമിഴ്നാട്, ആന്ധ്രപ്രദേശ്, ഒഡിഷ സംസ്ഥാനങ്ങളെയാണ് പദ്ധതിക്കായി പരിഗണിച്ചത്. ധാതു സമ്പുഷ്ടമായ ഈ സംസ്ഥാനങ്ങളില് ധാതു ഖനനം, സംസ്കരണം അടക്കമുള്ള കാര്യങ്ങള് വര്ധിപ്പിക്കാനാണ് കേന്ദ്രസര്ക്കാര് ലക്ഷ്യമിടുന്നതെന്ന് ധനമന്ത്രി വ്യക്തമാക്കി.
