കേരളത്തിൽ ഇടത്തരം മഴ തുടരും എന്ന് മുന്നറിയിപ്പ്. കേന്ദ്ര കാലാവസ്ഥ വകുപ്പിൻ്റെ മുന്നറിയിപ്പ് പ്രകാരം മലയോര മേഖലകളിലുള്ളവർ ജാഗ്രത പാലിക്കണം. മലയോര മേഖലകളില് ഒറ്റപ്പെട്ട മഴയ്ക്കുള്ള സാധ്യതയാണ് കാലാവസ്ഥ വകുപ്പ് പ്രവചിച്ചിരിക്കുന്നത്. ഇന്ന് ജില്ലകളില് പ്രത്യേക മഴ മുന്നറിയിപ്പ് നല്കിയിട്ടില്ല. കേരള, ലക്ഷദ്വീപ്, കര്ണാടക തീരങ്ങളില് മീന് പിടുത്തത്തിന് വിലക്കില്ല. ഡിറ്റ് വാ ചുഴലിക്കാറ്റിൻ്റെ പ്രഭാവത്തില് സംസ്ഥാനത്ത് പലയിടങ്ങളിലും കുറഞ്ഞ താപനിലയാണ് കഴിഞ്ഞ ദിവസങ്ങളില് രേഖപ്പെടുത്തിയിരുന്നത്. ഈ സ്ഥിതി മാറാന് സാധ്യതയുണ്ട്.
തെക്ക് പടിഞ്ഞാറന് ബംഗാള് ഉള്ക്കടല്, പുതുച്ചേരി, തമിഴ്നാട്, തെക്കന് ആന്ധ്രാപ്രദേശ്, അതിനോട് ചേര്ന്ന മധ്യ പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മത്സ്യബന്ധനം ഒഴിവാക്കണമെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചു.
