രാജസ്ഥാനിലെ ജോധ്‌പൂരിലുണ്ടായ വാഹനാപകടത്തിൽ നടൻ ജീവയുടെ പിതാവും പ്രമുഖ ചലച്ചിത്ര നിർമാതാവുമായ ആർ.ബി.ചൗധരി (72) അന്തരിച്ചു. സൂപ്പർ ഗുഡ് ഫിലിംസിന്‍റെ ഉടമയായിരുന്ന ചൗധരിയുടെ മൃതദേഹം നാളെ ചെന്നൈയിലെത്തിക്കും. അപകടത്തിന്‍റെ വിശദാംശങ്ങളോ വാഹനത്തിലുണ്ടായിരുന്നവരെക്കുറിച്ചോ വിവരങ്ങള്‍ ലഭ്യമായി‌ട്ടില്ല.
തമിഴ്, തെലുങ്ക്, ഹിന്ദി, മലയാളം ഭാഷകളിലാണു ചൗധരി പ്രവർത്തിച്ചിരുന്നത്. പുതു വസന്തം (1990) ആയിരുന്നു അദ്ദേഹം നിർമിച്ച ആദ്യ തമിഴ് സിനിമ. ഈ ചിത്രത്തിന് തമിഴ്‌നാട് സംസ്ഥാന ചലച്ചിത്ര അവാർഡ് ലഭിച്ചു. കെ.എസ്. രവികുമാർ സംവിധാനം ചെയ്‌ത പുരിയാദ പുതിർ (1990) എന്ന ചിത്രവും അദ്ദേഹത്തെ ശ്രദ്ധേയനാക്കി. കീർത്തിചക്ര ഉൾപ്പെടെയുള്ള മലയാള സിനിമകൾ സൂപ്പർ ഗുഡ് ഫിലിംസാണ് നിർമ്മിച്ചത്.
ചേരൻ പാണ്ടിയൻ (1991), ഊർ മരിയാധൈ (1992), ഗോകുലം 1993), നാട്ടാമൈ (1994), പൂവൈ ഉനക്കാഗെ (1996), സുന്ദര പുരുഷൻ (1996), മിസ്റ്റർ റോമിയോ (1996), മാരീസൻ (2025) തുടങ്ങിയവ ആർ.ബി.ചൗധരി നിർമിച്ച ചിത്രങ്ങളാണ്.
