ബെംഗളൂരു ജില്ലാ സമസ്ത ജംഇയ്യത്തുൽ മുഅല്ലിമീൻ സംഘടിപ്പിച്ച ‘മൗലിദ്, ഇശ്ഖ്-ഇ-റസൂൽ’ പരിപാടി എസ്‌കെജെഎം ജില്ലാ പ്രസിഡണ്ട് അബ്ദുൽ റസാഖ് ഫൈസി കുടകിൻ്റെ അധ്യക്ഷതയിൽ ബെംഗളൂരു ബിയാരി ഇൽം സെൻ്ററിൽ നടന്നു. സംഗമത്തിൽ പ്രചോദനാത്മകമായ സന്ദേശം മുതിർന്ന പണ്ഡിതൻ അബ്ദുറഹ്മാൻ അർഷദി സാലെത്തൂർ – പ്രവാചകനോടുള്ള സ്നേഹം ഇസ്‌ലാമിലെ വിശ്വാസത്തിൻ്റെ അവിഭാജ്യ ഘടകമാണ്; വിശ്വാസം പുതുക്കാനും ശക്തിപ്പെടുത്താനും പ്രവാചകൻ്റെ ജന്മദിനം പ്രചോദനമേകുന്നു. വഴിതെറ്റാൻ സാധ്യതയുള്ള സാഹചര്യങ്ങളിൽ കഴിയുന്ന മുസ്ലിം യുവജനങ്ങളെ സത്യത്തിൻ്റെ പാതയിൽ ഉറച്ചുനിൽക്കാൻ ഈ ദിനാചരണം സഹായിക്കുന്നു.
ബെംഗളൂരു ബിയാരി ജമാഅത്ത് കമ്മിറ്റിയുടെ പുതുതായി തിരഞ്ഞെടുക്കപ്പെട്ട ഭാരവാഹികളായ പ്രസിഡണ്ട് സവാദ് മുഹമ്മദ് കുഞ്ഞി ഉജിരെ, ജനറൽ സെക്രട്ടറി അഹമ്മദ് ഷെരീഫ് വഗ്ഗ, ട്രഷറർ റിസ്‌വാൻ എന്നിവരെയും, സമസ്തയുടെ പരിശീലകനായി തിരഞ്ഞെടുക്കപ്പെട്ട ബിയാരി ഇൽമ് സെന്റർ ‘സദർ’ ഹംസ ഫൈസി തോഡറിനെയും ബെംഗളൂരു ജില്ലാ എസ്.കെ.ജെ.എം. (SKJM) ചടങ്ങിൽ ഷാളണിയിച്ച് ആദരിച്ചു. എസ്‌കെജെഎം ബെംഗളൂരു ജില്ലാ ജനറൽ സെക്രട്ടറി സുഹൈൽ ഫൈസി കാസർകോട് സ്വാഗതവും ബിയാരി ജമാഅത്ത് കമ്മിറ്റി സെക്രട്ടറി റിയാസ് പാനെമംഗലൂർ നന്ദിയും പറഞ്ഞു.
ജില്ലാ നേതാക്കളായ ഹസൈനാർ ഫൈസി കൊടഗ്, സഫ്‌വാൻ ഫൈസി ബെഗൂർ എന്നിവരുൾപ്പെടെയുള്ള SKJM ഭാരവാഹികളും ബിയാരി ഇൽമ് സെന്റർ അധ്യാപകരായ അബ്ദുൽ റഹ്മാൻ ഫൈസി, ഹാഫിസ് മുഹമ്മദ് ആഷിഖ് എന്നിവരും പരിപാടിയിൽ പങ്കെടുത്തു. ജമാഅത്ത് നേതാക്കളായ എൻ.ഹക്കീം വിട്ല, ഹൈദർ ഹാജി ജോക്കാട്ടെ, ഇബ്രാഹിം ഇനോളി, എ.ബി. മുഹമ്മദ് ആറള, ഹാജി അബ്ദുൽ ഹമീദ് മടിക്കേരി, ഇബ്രാഹിം എ.ജോക്കാട്ടെ, മുഹമ്മദ് റഫീഖ് കൊഡ്ലിപ്പേട്ട്, താഹ അസ്ഹരി ബി.സി റോഡ്, അബ്ദുൽ ലത്തീഫ് സകലേഷ്പൂർ, അഷ്റഫ് അർക്കാന എന്നിവർ സംബന്ധിച്ചു.
