സംസ്ഥാനത്ത് ലഹരിവിരുദ്ധ പ്രവർത്തനങ്ങൾ കൂടുതൽ ശക്തമാക്കുന്നതിൻ്റെ ഭാഗമായി ആഭ്യന്തര മന്ത്രി രമേശ് ചെന്നിത്തല തമിഴ്നാട് മുഖ്യമന്ത്രി സി. ജോസഫ് വിജയിയുമായി കൂടിക്കാഴ്ച നടത്തും. കേരള സർക്കാർ നടപ്പാക്കുന്ന ‘ഓപ്പറേഷൻ തൂഫാൻ: ദ നാർക്കോ ഹണ്ട്’ ദൗത്യത്തിന് തമിഴ്നാടിൻ്റെ സഹകരണം ഉറപ്പാക്കുകയാണ് കൂടിക്കാഴ്ചയുടെ പ്രധാന ലക്ഷ്യം.
ലഹരി മാഫിയക്കെതിരെ ദക്ഷിണേന്ത്യൻ സംസ്ഥാനങ്ങൾ സംയുക്തമായി പ്രവർത്തിക്കേണ്ടത് അനിവാര്യമാണെന്ന് രമേശ് ചെന്നിത്തല പറഞ്ഞു. മയക്കുമരുന്ന് ശൃംഖലകൾ കണ്ടെത്തുന്നതിനും അവയുടെ പ്രവർത്തനം തടയുന്നതിനുമായി സംസ്ഥാനങ്ങൾ തമ്മിലുള്ള വിവര കൈമാറ്റവും ഏകോപനവും ശക്തിപ്പെടുത്തേണ്ടതുണ്ടെന്നും അദ്ദേഹം വ്യക്തമാക്കി.
ജൂൺ മാസം ആരംഭിച്ച ഓപ്പറേഷൻ തൂഫാൻ വഴി കേരളത്തിൽ ഇതിനകം ആയിരക്കണക്കിന് പേരെ അറസ്റ്റ് ചെയ്തിട്ടുണ്ടെന്നും മന്ത്രി അറിയിച്ചു.
തമിഴ്നാട് സർക്കാരിൻ്റെ പ്രവർത്തനങ്ങളെയും മുഖ്യമന്ത്രി വിജയിയുടെ നേതൃത്വത്തെയും രമേശ് ചെന്നിത്തല പ്രശംസിച്ചു. അഴിമതിരഹിതവും സുതാര്യവുമായ ഭരണമാണ് തമിഴ്നാട്ടിൽ നടക്കുന്നതെന്നും അദ്ദേഹം പറഞ്ഞു.
ഇതിന് മുമ്പ് കർണാടക മുഖ്യമന്ത്രി ഡി.കെ. ശിവകുമാറുമായും സമാന വിഷയത്തിൽ ചർച്ച നടത്തിയിരുന്നുവെന്ന് മന്ത്രി അറിയിച്ചു. ലഹരി മാഫിയയെ വേരോടെ പിഴുതെറിയാൻ അയൽ സംസ്ഥാനങ്ങളുമായി ചേർന്ന് കൂടുതൽ നടപടികൾ സ്വീകരിക്കാനാണ് കേരള സർക്കാരിൻ്റെ തീരുമാനം.
