ലബനനിലെ ഇസ്രയേൽ ആക്രമണങ്ങൾക്ക് തിരിച്ചടിയായി ഇസ്രയേലിന് നേരെ ഇറാൻ്റെ അതിശക്തമായ മിസൈൽ ആക്രമണ പരമ്പര. മിസൈലുകളാണ് ഒരേസമയം ഇറാൻ ഇസ്രായേലിന് നേരെ തൊടുത്തുവിട്ടതെന്നാണ് റിപ്പോർട്ടുകൾ. മേഖലയിലെ അമേരിക്കൻ സൈനിക കേന്ദ്രങ്ങൾക്കും ഇറാൻ്റെ ഭീഷണിയുള്ളതിനാൽ യുഎസ് സൈന്യം അതീവ ജാഗ്രത പാലിച്ചു. ലബനൻ ആക്രമിച്ചതിനുള്ള മറുപടിയാണ് തങ്ങളുടെ സൈനിക നടപടിയെന്നാണ് ഇറാൻ വിശേഷിപ്പിച്ചത്‌. മേഖലയിലെ ഇസ്രായേലിൻ്റെ ഏകപക്ഷീയമായ സൈനിക നീക്കങ്ങളും നാവിക ഉപരോധങ്ങളും അംഗീകരിക്കാനാവില്ലെന്നും ഇറാൻ അറിയിച്ചു. ഇറാൻ അമേരിക്കൻ താവളങ്ങൾ ആക്രമിക്കുമെന്ന് മുന്നറിയിപ്പ് നൽകിയതോടെ പശ്ചിമേഷ്യയിലെ യുഎസ് സൈന്യം അതീവ ജാഗ്രതയിലാണ്.
ലബനനിൽ ഇസ്രായേൽ തുടരുന്ന സൈനിക നടപടികളാണ് ഇറാൻ്റെ കടുത്ത നടപടിക്ക് കാരണമെന്ന് ഇറാൻ പാർലമെന്റ് സ്പീക്കർ വ്യക്തമാക്കി. ഇറാൻ്റെ മിസൈൽ ആക്രമണത്തെത്തുടർന്ന് ഇസ്രായേൽ തങ്ങളുടെ പ്രതിരോധ സംവിധാനങ്ങൾ പൂർണ്ണസജ്ജമാക്കി. ഇനിയും ആക്രമണങ്ങൾ ഉണ്ടാകാൻ സാധ്യതയുണ്ടെന്ന വിലയിരുത്തലിൽ, സൈനിക കേന്ദ്രങ്ങളിലും ജനവാസ മേഖലകളിലും കനത്ത സുരക്ഷ ഏർപ്പെടുത്തിയിട്ടുണ്ട്. ഇസ്രായേലിൻ്റെ പ്രതിരോധ വിഭാഗം മിസൈൽ വേധ സംവിധാനങ്ങൾ പ്രവർത്തനസജ്ജമാക്കുകയും വ്യോമനിരീക്ഷണം ശക്തമാക്കുകയും ചെയ്തു.
