സ്വർണ്ണവിലയിൽ വൻ വർദ്ധന

ഒരു ദിവസത്തെ ഇടവേളക്ക് ശേഷം വീണ്ടും സർവകാല റിക്കാർഡിലേക്ക്. ഇന്ന് പവന് 560 രൂപയും ഗ്രാമിന് 70 രൂപയുമാണ് വർദ്ധിച്ചത്. ഇതോടെ, ഒരു പവൻ സ്വർണ്ണത്തിന് 81,800 രൂപയിലും ഗ്രാമിന് 10,200 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണവില ഗ്രാമിന് 60 രൂപ ഉയർന്ന് 8,375 രൂപയിലെത്തി. ഈ മാസത്തിന്‍റെ തുടക്കത്തിൽ സ്വർണ്ണവില 77,640 രൂപയായിരുന്നു. ഈ മാസത്തെ ഏറ്റവും കുറഞ്ഞ വിലയും ഇതായിരുന്നു. 12 ദിവസം കൊണ്ട് നാലായിരത്തിലേറെ രൂപയാണ് പവന് കൂടിയത്.