പാർട്ടി പറഞ്ഞതു കൊണ്ടാണ് മുന്നൊരുക്കങ്ങൾ നടത്തിയതെന്നും പോസ്റ്റർ അടിച്ചതെന്നും ദീപ്തി മേരി വർഗീസ്. തനിക്കെല്ലാം പാർട്ടിയാണ്. പാർട്ടി പറഞ്ഞാൽ മത്സരിക്കും. നിയമസഭ തെരഞ്ഞെടുപ്പിൽ പരിഗണിക്കാം എന്ന് പറഞ്ഞത് കെപിസിസി അധ്യക്ഷനാണ്. കാര്യങ്ങൾ അദ്ദേഹത്തോട് തന്നെ ചോദിക്കണമെന്നും ദീപ്തി പറഞ്ഞു.
സ്വകാര്യ പ്രസ്സിൽ അച്ചടിച്ച പോസ്റ്ററുകളുടെ ദൃശ്യങ്ങൾ പുറത്തുവന്നിരുന്നു. ‘സർവ്വം ദീപ്തം’ എന്ന ടാഗ് ലൈനോട് ആയിരുന്നു ദീപി പോസ്റ്റർ അടിച്ചുതുടങ്ങിയത്. അനിശ്ചിതത്വം നിലനിൽക്കുന്ന സാഹചര്യത്തിൽ പോസ്റ്ററുകൾ അച്ചടിക്കുന്നത് നിർത്തിവയ്ക്കാൻ പിന്നീട് ദീപ്തി നിർദേശം നൽകുകയായിരുന്നു.
