BSNL 4G അടുത്തമാസം മുതൽ രാജ്യവ്യാപകമാകും; 5G അടുത്തവർഷം

അടുത്തമാസം മുതൽ BSNL 4G രാജ്യവ്യാപകമാക്കുമെന്ന്‌ ടെലികോം മന്ത്രി ജ്യോതിരാദിത്യ സിന്ധ്യ. അടുത്തവർഷം 5G നെറ്റ് വർക്ക് വരുമെന്നും എൻ.കെ. പ്രേമചന്ദ്രന്‍റെ ചോദ്യത്തിന് മറുപടിയായി മന്ത്രി പറഞ്ഞു. മുംബൈ, ഡൽഹി നഗരങ്ങളിൽ നിലവിലുള്ള എംടിഎൻഎലിനെ ബിഎസ്എൻഎൽ ഏറ്റെടുത്ത് ഇവിടങ്ങളിലും 4G ലഭ്യമാക്കും. പൊതുമേഖലാസ്ഥാപനമായ സെന്‍റർ ഫോർ ഡിവലപ്‌മെന്‍റ് ഓഫ് ടെലിമാറ്റിക്സാണ് 4Gസംവിധാനം വികസിപ്പിച്ചതെന്നും മന്ത്രി പറഞ്ഞു.