ജമാഅത്തെ ഇസ്‌ലാമി കേരള ബംഗളൂരു സിറ്റി ഘടകത്തിന്‍റെ ആഭിമുഖ്യത്തിൽ സംഘടിപ്പിക്കുന്ന ‘ബംഗളൂരു റമദാൻ സംഗമം ‘26’ ഇന്ന് നടക്കും. ബംഗളൂരു പാലസ് ഗ്രൗണ്ട്‌സിലെ പാലസ് ശീഷ് മഹലിൽ വെച്ചാണ് സംഗമം ക്രമീകരിച്ചിരിക്കുന്നത്. ‘നീതിക്ക് സാക്ഷികളാവുക’ എന്നതാണ് ഈ വർഷത്തെ സംഗമത്തിന്‍റെ പ്രധാന പ്രമേയം.
മുഖ്യാതിഥികൾ:
വൈകുന്നേരം നടക്കുന്ന ചടങ്ങിൽ കർണാടക നിയമസഭാ സ്പീക്കർ യു.ടി. ഖാദർ, എം.എൽ.എമാരായ എൻ.എ. ഹാരിസ്, റിസ്‌വാൻ അർഷാദ് എന്നിവർ മുഖ്യാതിഥികളായിരിക്കും. ജമാഅത്തെ ഇസ്‌ലാമി കേരള സെക്രട്ടറി ശിഹാബ് പൂക്കോട്ടൂർ പ്രമേയ പ്രഭാഷണം നടത്തും. സലീം മമ്പാട് (ഖത്തീബ്, മസ്ജിദുറഹ്മ), അഡ്വ. മുബഷിർ അസ്ഹരി, ഷമീർ മുഹമ്മദ് (പ്രസിഡന്റ്, ജെ.ഐ.എച്ച് ബംഗളൂരു) തുടങ്ങിയ പ്രമുഖർ വിവിധ സെഷനുകളിൽ സംസാരിക്കും.
പ്രധാന ആകർഷണങ്ങൾ:
മുതിർന്നവർക്കായി പ്രത്യേക സെഷനുകൾ നടക്കുമ്പോൾ തന്നെ കുട്ടികൾക്കായി ‘കിഡ്‌സ് റമദാൻ മീറ്റ്’ ഒരുക്കിയിട്ടുണ്ട്. കാലിഗ്രാഫി വർക്ക്ഷോപ്പ്, മൂല്യാധിഷ്ഠിത കളികൾ, റമദാൻ ക്വിസ്, ‘മൈ റമദാൻ’ സ്പെഷ്യൽ സെഷൻ എന്നിവയും കിഡ്‌സ് ഇഫ്താറും ഇതിന്‍റെ ഭാഗമായി നടക്കും.
ഇഫ്താറും തഹജ്ജുദും:
സംഗമത്തോടനുബന്ധിച്ച് വിപുലമായ ഇഫ്താർ വിരുന്നും തുടർന്നുള്ള സെഷനുകൾക്ക് ശേഷം തഹജ്ജുദ് നമസ്കാരവും ഉണ്ടായിരിക്കും. മലയാളി പ്രവാസികൾക്കും ബംഗളൂരുവിലെ വിശ്വാസി സമൂഹത്തിനും ഒത്തുചേരാനും സൗഹൃദം പുതുക്കാനുമുള്ള വലിയൊരു വേദിയായിരിക്കും ഈ സംഗമമെന്ന് സംഘാടകർ അറിയിച്ചു. കൂടുതൽ വിവരങ്ങൾക്ക്: +91 87903 52536
