ഡൽഹി സ്ഫോടനത്തിൽ പരിക്കേറ്റ ഒരാൾ കൂടി മരിച്ചു; മരിച്ചവരുടെ എണ്ണം 13 ആയി
ഡൽഹി സ്ഫോടനത്തിൽ പരിക്കേറ്റ ഒരാൾ കൂടി മരിച്ചു . ഇതോടെ മരിച്ചവരുടെ എണ്ണം 13 ആയി. LNJP ആശുപത്രിയിൽ ചികിത്സയിലുണ്ടായിരുന്ന വ്യക്തിയാണ് മരിച്ചത്. ചെങ്കോട്ടയിലെ സ്ഫോടനം ഭീകരാക്രമണം ആണെന്ന് കേന്ദ്രം സ്ഥിരീകരിച്ചതിന് പിന്നാലെ അന്വേഷണം ശക്തമാക്കിയിരിക്കുകയാണ് എൻഐഎ. ഫരീദാബാദ് ഭീകര സംഘത്തെ കേന്ദ്രീകരിച്ചാണ് അന്വേഷണം മുന്നോട്ടുപോകുന്നത്. അറസ്റ്റിലായ ഡോ. മുസമ്മിൽ ഷക്കീലിനെയും കൂട്ടാളികളെയും ചോദ്യം ചെയ്തതിൽ നിന്ന് നിർണായക വിവരങ്ങൾ എൻഐഎക്ക് ലഭിച്ചുവെന്നാണ് സൂചന.
സ്വര്ണ വിലയില് വീണ്ടും കുതിപ്പ്
സ്വര്ണ വിലയില് വീണ്ടും കുതിപ്പ്. വ്യാഴാഴ്ച ഗ്രാമിൻ്റെ വില 210 രൂപ വര്ധിച്ച് 11,715 രൂപയും പവൻ്റെ വില 1,680 രൂപ ഉയര്ന്ന് 93,710 രൂപയുമായി. ഒരാഴ്ചക്കിടെ പവൻ്റെ വിലയില് 4,640 രൂപയാണ് കൂടിയത്.
കലാസംവിധായകൻ തോട്ടാതരണിക്ക് ഫ്രഞ്ച് ഗവൺമെന്റിൻ്റെ ഷെവലിയർ പുരസ്കാരം
പ്രശസ്ത കലാസംവിധായകൻ തോട്ടാതരണിയെ ഫ്രഞ്ച് ഗവൺമെന്റ്റിൻ്റെ ഷെവലിയർ പുരസ്കാരത്തിനു തിരഞ്ഞെടുത്തു. കലാരംഗത്തെ മികച്ച സംഭാവനകൾ മാനിച്ച് നൽകിവരുന്ന പുരസ്കാരം ഫ്രാൻസിൻ്റെ ഉന്നതമായ സാംസ്കാരിക അംഗീകാരങ്ങളിൽ ഒന്നാണ്. ഇന്ത്യൻ സാംസ്കാരിക പൈതൃകം ആഗോളതലത്തിൽ അവതരിപ്പിച്ചതിനുള്ള അംഗീകാരമായാണ് തോട്ടാതരണിക്ക് പുരസ്കാരം നൽകുന്നതെന്ന് ഫ്രഞ്ച് സാംസ്കാരിക മന്ത്രാലയം അറിയിച്ചു. തമിഴ്, മലയാളം, കന്നഡ, ഹിന്ദി, ഇംഗ്ലീഷ് ഭാഷകളിലായി നൂറോളം സിനിമകൾക്ക് തോട്ടാതരണി കലാസംവിധായകനായിട്ടുണ്ട്. മലയാളത്തിൽ അഭിമന്യു, മിസ്റ്റർ ബട്ട്ലർ തുടങ്ങിയ സിനിമകളുടെയും തമിഴിൽ നായകൻ,
ഇന്ത്യയും ദക്ഷിണാഫ്രിക്കയും തമ്മിലുള്ള ആദ്യ ടെസ്റ്റ് നാളെ
ഇന്ത്യയും ദക്ഷിണാഫ്രിക്കയും തമ്മിലുള്ള ക്രിക്കറ്റ് ടെസ്റ്റ് പരമ്പരയ്ക്ക് നാളെ തുടക്കം. ഈഡൻ ഗാർഡൻസിലാണ് ഒന്നാം ടെസ്റ്റ്. രണ്ട് ടെസ്റ്റുകളുടെ പരമ്പര കുടാതെ മുന്ന് ഏകദിനങ്ങളുടെ പരമ്പരയും അഞ്ച് ട്വന്റി20 കളുടെ പരമ്പരയുമാണു ദക്ഷിണാഫ്രിക്കയുടെ ഇന്ത്യൻ പര്യടനത്തിലുള്ളത്. വിക്കറ്റ് കീപ്പർ ബാറ്റർമാരായ ധ്രുവ് ജുറലും ഋഷഭ് പന്തും ഇന്ത്യയുടെ പ്ലേയിങ് ഇലവനിലുണ്ടാകുമെന്നാണു സൂചന. ഒന്നാം ടെസ്റ്റിൽ ഓൾറൗണ്ടർ നിധീഷ് കുമാർ റെഡ്ഡിയെ ഒഴിവാക്കിയതോടെയാണു പന്തിന് ഇടം ലഭിച്ചത്. വെസ്റ്റിൻഡീസിനെതിരേ നടന്ന ടെസ്റ്റ്
കേരള ആർടിസിയുടെ പുതിയ മൾട്ടി ആക്സിൽ സ്ലീപ്പർ ബസ് ബെംഗളൂരുവിൽനിന്നു തിരുവനന്തപുരത്തേക്കു സർവീസ് നാളെ മുതൽ
ബെംഗളൂരു കേരള ആർടിസിയുടെ പുതിയ മൾട്ടി ആക്സിൽ സ്ലീപ്പർ ബസ് ബെംഗളൂരുവിൽനിന്നു തിരുവനന്തപുരത്തേക്കു നാളെമുതൽ സർവീസ് ആരംഭിക്കും. ഇതോടെ ബെംഗളൂരു-തിരുവനന്തപുരം റൂട്ടിൽ കേരള ആർടിസിയുടെ സ്ലീപ്പർ ബസുകളുടെ എണ്ണം നാലാകും. വൈകിട്ട് 5.30ന് സാറ്റലൈറ്റ് ടെർമിനലിൽ നിന്ന് പുറപ്പെടുന്ന ബസ് സേലം, പാലക്കാട്, കോട്ടയം, കൊട്ടാരക്കര വഴി രാവിലെ 8.40ന് തിരുവനന്തപുരത്തെത്തും. വൈകിട്ട് 5.30നു തിരുവനന്തപുരത്ത് നിന്ന് പുറ പ്പെട്ട് രാവിലെ 7.55ന് ബെംഗളൂരുവിലെത്തും. 2151 രൂപയാണ് ടിക്കറ്റ് നിരക്ക്.
ശബരിമല സ്വർണക്കൊള്ളയിൽ ദേവസ്വം ബോർഡ് മുൻ പ്രസിഡണ്ട് എ. പത്മകുമാറിനെ ഉടൻ ചോദ്യം ചെയ്യും
എസ് എ ടി കോടതിയിൽ സമർപ്പിച്ച റിമാൻഡ് റിപ്പോർട്ടിൽ ശബരിമലയിലെ സ്വർണ്ണംപൂശിയ കട്ടിള പാളി ചെമ്പെന്ന് രേഖപ്പെടുത്തിയത് ദേവസ്വം ബോർഡ് അംഗങ്ങളുടെ അറിവോടെ ആണെന്നായിരുന്നു. ഇതിൻ്റെ അടിസ്ഥാനത്തിൽ തിരുവിതാംകൂർ ദേവസ്വം ബോർഡ് മുൻ പ്രസിഡണ്ട് എ. പത്മകുമാറിനെ ഉടൻ ചോദ്യം ചെയ്യും. ചോദ്യം ചെയ്യലിന് ഹാജരാകാൻ പത്മകുമാറിനോട് അന്വേഷണസംഘം ആവശ്യപ്പെട്ടിട്ടുണ്ട്. ശബരിമലയിലെ സ്വർണ്ണംപൂശിയ കട്ടിള പാളി ചെമ്പെന്ന് രേഖപ്പെടുത്തിയത് ദേവസ്വം ബോർഡ് അംഗങ്ങളുടെ അറിവോടെയാണെന്നായിരുന്നു എസ് എ ടി കോടതിയിൽ
കർണാടകയിൽ വനിതാ ജീവനക്കാർക്ക് ആർത്തവ സമയത്ത് പ്രതിമാസം ഒരു ദിവസം ശമ്പളത്തോടു കൂടിയ അവധി; ഉത്തരവ് നിലവിൽ വന്നു
കർണാടകയിലെ തൊഴിൽ നിയമങ്ങൾ പ്രകാരം രജിസ്റ്റർ ചെയ്തിട്ടുള്ള വ്യവസായങ്ങളിലും സ്ഥാപനങ്ങളിലും ജോലി ചെയ്യുന്ന വനിതാ ജീവനക്കാർക്ക് ആർത്തവ സമയത്ത് പ്രതിമാസം ഒരു ദിവസം ശമ്പളത്തോടുകൂടിയ അവധി നൽകുന്നതിനുള്ള ഔദ്യോഗിക ഉത്തരവ് കർണാടക സർക്കാർ പുറപ്പെടുവിച്ചു. 2025 ലെ ആർത്തവ അവധി നയം ഒക്ടോബർ 9 ന് സംസ്ഥാന മന്ത്രിസഭ അംഗീകരിച്ചിരുന്നു. 1948 ലെ ഫാക്ടറി ആക്ട്, 1961 ലെ കർണാടക ഷോപ്പ്സ് ആൻഡ് കൊമേഴ്സ്യൽ എസ്റ്റാബ്ലിഷ്മെന്റ് ആക്ട്, 1951 ലെ
ഡൽഹി സ്ഫോടനം; കാർ ഓടിച്ചിരുന്നത് ഉമർ മുഹമ്മദ് തന്നെ, ഡിഎൻഎ ഫലം പുറത്ത്
ചെങ്കോട്ടയ്ക്ക് സമീപം പൊട്ടിത്തെറിച്ച കാർ ഓടിച്ചിരുന്നത് ഡോ.ഉമർ മുഹമ്മദ് ആണെന്ന് ഉറപ്പിച്ച് പൊലീസ്. പൊട്ടിത്തെറിച്ച കാറിൽ നിന്ന് ലഭിച്ച അവശിഷ്ടങ്ങളിൽ നിന്ന് ഉമറിൻ്റെ ഡിഎൻഎ തിരിച്ചറിഞ്ഞുവെന്നാണ് റിപ്പോർട്ട്. നേരത്തെ ഡിഎൻഎ പരിശോധനയ്ക്ക് ഉമറിൻ്റെ അമ്മയെയും സഹോദരനെയും പൊലീസ് കസ്റ്റഡിയിലെടുത്തിരുന്നു. വെളുത്ത നിറമുള്ല ഐ 20 ഹ്യുണ്ടായ് കാറാണ് പൊട്ടിത്തെറിച്ചത്. ഇതിൽ നിന്ന് അസ്ഥികളും പല്ലുകളും തുണികഷ്ണങ്ങളും പൊലീസിന് ലഭിച്ചിരുന്നു. ഇതിൽ നിന്നാണ് ഡിഎൻഎ തിരിച്ചറിഞ്ഞത്. നേരത്തെ ഉമർ കാർ ഓടിക്കുന്ന
വാല്മീകി കീർത്തി പുരസ്കാരം എഴുത്തുകാരി കെ. കവിതയ്ക്ക് സമ്മാനിച്ചു
സംസ്കാർ ഭാരതി കെആർപുരം സമിതിയുടെ വാല്മീകി കീർത്തി പുരസ്കാരം എഴുത്തുകാരി കെ. കവിതയ്ക്ക് സമ്മാനിച്ചു. 5001 രൂപയും പ്രശസ്തിപത്രവും ശില്പവും അടങ്ങിയ പുരസ്കാരം രവീന്ദ്ര മല്യ, കവിതയ്ക്ക് കൈമാറി. സംസ്ക്കാർ ഭാരതി ജില്ലാ സെക്രട്ടറി ബി. ശ്രീറാം അധ്യക്ഷത വഹിച്ച ചടങ്ങിൽഎഴുത്തുകാരിയും വിദ്യാഭ്യാസ വിദഗ്ധയുമായ ഡോ. ഇന്ദിര പറക്കാട്, വൈസ് പ്രസിഡണ്ട് ടി.പി. സുനിൽകുമാർ, ശ്രീധരൻ പോലൂർ, ശശികുമാർ പി. ജയശങ്കർ, ധ്യാൻ വി. ദർശൻ, രഞ്ജിനി, ഗിരീഷ് തുടങ്ങിയവർ
ബനസവാടി സബ്സ്റ്റേഷനിൽ അറ്റകുറ്റപ്പണികൾ; വൈദ്യുതി മുടങ്ങും
ബെംഗളൂരു 66/11 കെവി ബനസവാടി സബ്സ്റ്റേഷനിൽ അടിയന്തര അറ്റകുറ്റപ്പണികൾ നടക്കുന്നതിനാൽ നവംബർ 13 വ്യാഴാഴ്ച രാവിലെ 11 മുതൽ വൈകുന്നേരം 4 വരെ ബെംഗളൂരു നഗരത്തിലെ പല ഭാഗങ്ങളിലും വൈദ്യുതി മുടങ്ങുമെന്ന് ബെസ്കോം അറിയിച്ചു വൈദ്യുതി തടസ്സപ്പെടുന്ന സ്ഥലങ്ങൾ : കമ്മനഹള്ളി മെയിൻ റോഡ്, കല്യാണനഗർ, ബി.ഡബ്ല്യു.എസ്. എസ്.ബി വാട്ടർ ടാങ്ക്, ഹെന്നൂർ വില്ലേജ്, ചെല്ലികെരെ, മേഘന പാളയ, ഗെദ്ദലഹള്ളി, കോതനൂർ, വഡ്ഡര പാളയ, ജാനകിറാം ലേഔട്ട്, ബി.ഡി.എസ്. ഗാർഡൻ,