പേരാമ്പ്രയിൽ യുഡിഎഫ് പ്രതിഷേധ സംഗമം; യുഡിഎഫ് പ്രവർത്തകർ ഉൾപ്പെടെ 325 പേർക്കെതിരെ കേസെടുത്ത് പോലീസ്
പേരാമ്പ്രയിൽ ലാത്തിച്ചാർജിൽ ഷാഫി പറമ്പിൽ എംപിക്ക് പരിക്കേറ്റ സംഭവത്തിൽ പ്രതിഷേധിച്ച് പേരാമ്പ്രയിൽ യുഡിഎഫ് സംഘടിപ്പിച്ച പ്രതിഷേധ സംഗമത്തിനെതിരേ കേസെടുത്ത് പോലീസ്. യുഡിഎഫ് പ്രവർത്തകർ ഉൾപ്പെടെ 325 പേർക്കെതിരെയാണ് കേസെടുത്തത്. 5 യുഡിഎഫ് പ്രവർത്തകർക്കും കണ്ടാലറിയാവുന്ന 320 പേർക്കെതിരെയുമാണ് കേസെടുത്തത്. പോലീസിനെതിരേ പ്രകോപന മുദ്രാ വാക്യങ്ങൾ വിളിച്ചെന്നും അന്യായമായി സംഘം ചേർന്നെന്നുമാണ് എഫ്ഐആർ.
ശബരിമലയിലെ സ്വർണക്കൊള്ള: 2019 ലെ ഭരണസമിതി അംഗങ്ങളെ പ്രതിചേർത്തു
ശബരിമലയിലെ സ്വർണക്കൊള്ളയിൽ 2019 ലെ ഭരണസമിതി അംഗങ്ങളെയാണ് പ്രതിചേർത്തു. എ പദ്മകുമാർ പ്രസിഡണ്ടായ ഭരണ സമിതിയാണ് 2019 ൽ ചുമതലയിലുണ്ടായിരുന്നത്.ദേവസ്വം ബോർഡിന്റെ പരാതിയിലാണ് എഫ്ഐആർ. കട്ടിളപ്പാളിയിലെ സ്വർണ്ണം തട്ടിയെടുത്തതിലാണ് ഭരണസമിതി അംഗങ്ങൾക്കെതിരെ കേസെടുത്തത്. ശബരിമല സ്വർണ്ണ കൊള്ളയിൽ അന്വേഷണം ആരംഭിച്ച എസ് ഐ ടി. സ്പോൺസർ ഉണ്ണികൃഷ്ണൻ പോറ്റിയെ ഉടൻ ചോദ്യം ചെയ്യും. അഡ്മിനിസ്ട്രേറ്റീവ് ഓഫീസറായിരുന്ന മുരാരി ബാബു അടക്കമുള്ള ദേവസ്വം ബോർഡ് ഉദ്യോഗസ്ഥരെയും വൈകാതെ ചോദ്യം ചെയ്യാനാണ് തീരുമാനം.
ദസറ ആഘോഷത്തിനിടെ ബലാത്സംഗം ചെയ്ത് കൊല; ബാലികയുടെ ദേഹത്ത് 19 കുത്തേറ്റു
ദസറ ആഘോഷത്തിനിടെ മൈസൂരുവിൽ ബലാത്സംഗത്തിനിരയായി കൊല്ലപ്പെട്ട പത്തുവയസ്സുകാരിയെ പ്രതി കത്തികൊണ്ട് 19 തവണ കുത്തിയതായി പോസ്റ്റ്മോർട്ടം റിപ്പോർട്ട്. കഴിഞ്ഞ ദിവസമാണ് പ്രതി കാർത്തികിനെ പൊലീസ് കാലിന് വെടിവെച്ച് കിഴ്പ്പെടുത്തിയത്. സംഭവത്തെ അപലപിച്ച് ഓൾ ഇന്ത്യ മഹിള സംസ്കൃതിക സംഘടനയും ഓൾ ഇന്ത്യ ഡെമോക്രാറ്റിക് സ്റ്റുഡൻ്റ്സ് ഓർഗനൈസേഷനും പഴയ ഡെപ്യൂട്ടി കമീഷണർ ഓഫീസിന് സമീപം സംയുക്തത പ്രകടനം നടത്തി.
വനിത ഏകദിന ലോകകപ്പ്; ഇന്ത്യ ഇന്ന് ഓസ്ട്രേലിയയെ നേരിടും
വനിത ഏകദിന ലോകകപ്പിൽ ഇന്ത്യ ഇന്ന് ഓസ്ട്രേലിയയുമായി ഏറ്റുമുട്ടും. ആദ്യ രണ്ട് മത്സരങ്ങളിൽ യഥാക്രമം ശ്രീലങ്കയെയും പാകിസ്താനെയും തോൽപിച്ച ഇന്ത്യ കഴിഞ്ഞ കളിയിൽ സൗത്ത് ആഫ്രിക്കയോട് തോറ്റിരുന്നു. മൂന്നുമണിക്ക് വിശാഖപട്ടണത്താണ് മത്സരം. ഐ.സി.സി റാങ്കിങ്ങിൽ ഒന്നാംസ്ഥാനക്കാരിയും ഓപ്പണറുമായ സ്മൃതി മന്ദാനയും ക്യാപ്റ്റൻ ഹർമനും ജെമീമ റോഡ്രിഗസും ഇനിയും ഫോമിലേക്ക് ഉയർന്നിട്ടില്ല. മറ്റൊരു ഓപണർ പ്രതിക റാവലും ഹർലീൻ ഡിയോളുമാണ് അൽപ്പമെങ്കിലും വിശ്വാസം കാക്കുന്നത്. സ്പീൻ ഓൾറൗണ്ടർമാരായ ദീപ്തി ശർമയും സ്നേഹ
ഗതാഗത നിയമ ലംഘനങ്ങളിൽ ബെംഗളൂരു ഏറെ മുന്നിൽ
ആവർത്തിച്ചുള്ള ഗതാഗത നിയമലംഘനങ്ങളിൽ ബെംഗളൂരു നഗരം മറ്റു നഗരങ്ങളെ അപേക്ഷിച്ചു ഏറെ മുന്നിൽ. അടുത്ത് നടത്തിയ ഒരു സർവേയിൽ ആണ് കണ്ടെത്തൽ. 10.8% ഡ്രൈവർമാർ 10 തവണയിൽ കൂടുതൽ നിയമങ്ങൾ ലംഘിക്കുന്നു. രാജ്യത്തെ ഏറ്റവും ഉയർന്ന നിരക്കാണിത്. അശ്രദ്ധയും സുരക്ഷിതമല്ലാത്തതുമായ ഡ്രൈവിംഗിൻ്റെ ആശങ്കാജനകമായ പ്രവണതയിലേക്ക് ഇത് വിരൽ ചൂണ്ടുന്നു. നടത്തിയ 1.45 ദശലക്ഷം ട്രാഫിക് പരിശോധനകളിൽ, പത്തിൽ ആറ് ഡ്രൈവർമാർക്കും കുറഞ്ഞത് ഒരു ചലാനെങ്കിലും തീർപ്പാക്കാതെ കിടക്കുന്നുണ്ട്. ഹെൽമെറ്റ് നിയമ
ബെംഗളുരുവിൽ ആധുനിക ട്രാം സംവിധാനം; സാധ്യതാപഠനം ഉടൻ
നഗരത്തിൽ ആധുനിക ട്രാം സംവിധാനം നിർദേശിച്ച് എംപി തേജസ്വി സൂര്യ. യാത്ര പ്രശ്നമങ്ങൾ മെച്ചപ്പെടുത്താൻ ലക്ഷ്യമിട്ടാണ് നിർദേശം. പദ്ധതിയുടെ സാധ്യത പഠനം രണ്ടാഴ്ചയ്ക്കുള്ളിൽ ആരംഭിക്കുമെന്നും ഗതാഗതക്കുരുക്കിന് പരിഹാരമായി ഇത് മാറുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു. മൊബിലിറ്റി സിമ്പോസിയം – 2025-ൽ സംസാരിക്കുകയായിരുന്നു എംപി തേജസ്വി സൂര്യ.കാറുകൾക്ക് പകരം ട്രാമുകൾ ഉപയോഗിക്കാൻ ആളുകളെ പ്രോത്സാഹിപ്പിക്കുന്നതിലൂടെ, റോഡുകളിലെ വാഹനങ്ങളുടെ എണ്ണം കുറയ്ക്കാനും ഗതാഗതക്കുരുക്ക് ലഘുകരിക്കാനും യാത്രക്കാരുടെ സമയം ലാഭിക്കാനും ഈ സംവിധാനത്തിന് സാധിക്കും.
കേരള സമാജം ബാംഗ്ലൂർ, കൻ്റോൺമെൻ്റ് സോൺ ഓണാഘോഷം ഇന്ന്
കേരള സമാജം ബാംഗ്ലൂർ, കൻ്റോൺമെൻ്റ് സോണിൻ്റെ ഈ വർഷത്തെ ഓണാഘോഷം ‘നമ്മ ഓണം 2025’, ഇന്ന് വസന്ത് നഗറിലെ ഡോ.ബി.ആർ.അംബേദ്കർ ഭവാനിൽവച്ചു വിവിധ പരിപാടികളോടെ ആഘോഷിക്കും. കേന്ദ്രമന്ത്രി ശോഭ കരന്തലജെ, കർണാടക ഗ്രാമ വികസന വകുപ്പ് മന്ത്രി ബൈരതി സുരേഷ്, കേരള വ്യവസായ വകുപ്പ് മന്ത്രി പി.രാജീവ്, കേരള ഗതാഗത വകുപ്പ് മന്ത്രി കെ.ബി.ഗണേഷ്കുമാർ, കേരള ഡെപ്യൂട്ടി സ്പീക്കർ ചിറ്റയം ഗോപകുമാർ, പി.സി.മോഹൻ എംപി, എ.സി.ശ്രീനിവാസ് എംഎൽഎ, ഗോപകുമാർ ഐഎഎസ്
ടണൽ റോഡ് പദ്ധതി ലാൽബാഗിന് ഭീഷണി ആവില്ല: ഡി കെ ശിവകുമാർ
ഉപമുഖ്യമന്ത്രി ഡി കെ ശിവകുമാർ “വാക്ക് വിത്ത് ബെംഗളൂരു” പരിപാടിക്ക് തുടക്കം കുറിച്ചു. ജനങ്ങളുടെ പരാതി കേൾക്കൽ ആയിരുന്നു മുഖ്യം. പരാതികളുടെ ഒരു വലിയ പ്രവാഹം അദ്ദേഹം ക്ഷമയോടെ കേട്ടു.പാർക്കിംഗ് പ്രശ്നങ്ങൾ, തെരുവ് നായ നിയന്ത്രണം, ശരിയായ റോഡ് സംവിധാനം ഇല്ലാത്തത് എന്നിവയെക്കുറിച്ചുള്ള 100 മുതൽ 150 വരെ ആളുകളുടെ അഭ്യർത്ഥനകളും പരാതികളും ഉപമുഖ്യമന്ത്രി കേട്ടു. ഏറെ ചർച്ച ചെയ്യപ്പെട്ട ടണൽ റോഡ് പദ്ധതി ഒരു തർക്കവിഷയമായി ഉയർന്നുവന്നു. ടണൽ
മാനുഷിക സഹായവുമായി നൂറുകണക്കിന് ട്രക്കുകൾ ഇന്ന് ഗാസയിലേക്ക്
ഗാസയിലെ സമാധാന പ്രഖ്യാപനത്തിനായി അമേരിക്കൻ പ്രസിഡണ്ട് ഡോണൾഡ് ട്രംപ് ഇന്ന് മിഡിൽ ഈസ്റ്റിലേക്ക്. ഈജിപ്തും ഇസ്രയേലും സന്ദർശിക്കുന്ന അമേരിക്കൻ പ്രസിഡണ്ട് ഇസ്രയേൽ പാർലമെന്റിൽ പ്രസംഗിക്കും. മാനുഷിക സഹായവുമായി നൂറുകണക്കിന് ട്രക്കുകൾ ഇന്ന് ഗാസയിൽ പ്രവേശിക്കും. ബന്ദി കൈമാറ്റം തുടങ്ങുന്നത് ഇന്ന് വൈകിട്ടോടെ തീരുമാനമാകും. ഗാസയ്ക്കിന്ന് ചരിത്ര പ്രാധാന്യമുള്ള ദിനമാണ്. ഈജിപ്തിൽ അമേരിക്കൻ പ്രസിഡണ്ട് എത്തുന്നതോടെ ബന്ദി കൈമാറ്റം തുടങ്ങുകയും സമാധാന കരാർ പ്രഖ്യാപിക്കപ്പെടുകയും ചെയ്യുന്നത് കാത്തിരിക്കുകയാണ് ഗാസ ജനത. ഈജിപ്തിൽ
സംസ്ഥാനത്ത് വീണ്ടും അമീബിക്ക് മസ്തിഷ്കജ്വര മരണം
സംസ്ഥാനത്ത് വീണ്ടും അമീബിക്ക് മസ്തിഷ്ക ജ്വര മരണം. കൊല്ലം പട്ടാഴി മരുതമൺഭാഗം സ്വദേശിനി ആയ സ്ത്രീ (48) ആണ് മരിച്ചത്. തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. കശുവണ്ടി തൊഴിലാളി ആയിരുന്നു ഇവര്. സെപ്റ്റംബര് 23 ന് തിരുവനന്തപുരം മെഡിക്കൽ കോളേജിൽ നടത്തിയ പരിശോധനയിൽ ഇവര്ക്ക് രോഗം സ്ഥിരീകരിച്ചിരുന്നു. സംസ്ഥാനത്ത് ഈ മാസം മൂന്നാമത്തെ അമീബിക്ക് മസ്തിഷ്ക ജ്വര മരണമാണിത്.