അഹമ്മദാബാദ്‌ വിമാനദുരന്തം; 135 മൃതദേഹം തിരിച്ചറിഞ്ഞു

ഡിഎൻഎ പരിശോധനയിലൂടെ ഇതുവരെ അഹമ്മദാബാദിലെ വിമാന ദുരന്തത്തിൽ കൊല്ലപ്പെട്ടവരിൽ 135 പേരെയാണ് തിരിച്ചറിഞ്ഞത്. അപകടത്തിൽപ്പെട്ട വിമാനം പറത്തിയ പൈലറ്റ് സുമീത് സബർവാളിന്‍റെ മൃതദേഹം മുംബൈയിൽ സംസ്കരിച്ചു. 24 മണിക്കൂറും പ്രവർത്തിക്കുന്ന ലാബുകളിലാണ് ഡിഎൻഎ പരിശോധന നടക്കുന്നത്. ഇരുപതോളം ഫോറൻസിക് വിദഗ്ധരാണ് പരിശോധനകൾക്ക് നേതൃത്വം നൽകുന്നത്. തിരിച്ചറിഞ്ഞ 101 മൃതദേഹങ്ങൾ ബന്ധുക്കൾക്ക് വിട്ടു നൽകി. കൊല്ലപ്പെട്ട പത്തനംതിട്ട സ്വദേശി രഞ്ജിതയുടെതടക്കം മൃതദേഹങ്ങൾ ഇതുവരെ തിരിച്ചറിയാൻ കഴിഞ്ഞിട്ടില്ല.