നിലമ്പൂരിൽ കാട്ടാന ആക്രമണം; കൂൺ പറിക്കാൻ പോയ 49കാരൻ കൊല്ലപ്പെട്ടു

കാട്ടാന ആക്രമണത്തിൽ ഒരു മരണം കൂടി. നിലമ്പൂർ വാണിയമ്പുഴ ഉന്നതിയലാണ് സംഭവം. ആദിവാസി വിഭാഗത്തിൽപെട്ട ബില്ലിയാണ് മരിച്ചത്. കനത്ത മഴയെ തുടർന്ന് ചാലിയാറില്‍ കുത്തൊഴുക്കാണ്. അതിനാല്‍ പ്രദേശത്തേക്ക് എത്തിച്ചേരുന്നതില്‍ പോലീസിന് ബുദ്ധിമുട്ട് നേരിടുന്നുണ്ട്‌. മറ്റ് വിവരങ്ങൾ ലഭ്യമായിട്ടില്ല. മരിച്ച ബില്ലിക്ക് 49 വയസെന്നാണ് വിവരം. കൂൺ പറിക്കാൻ പോയപ്പോഴാണ് കാട്ടാന ആക്രമിച്ചതെന്നാണ് പ്രാഥമിക വിവരം.