ആര്യാടൻ ഷൗക്കത്തിൻ്റെ സത്യപ്രതിജ്ഞ ജൂൺ 27ന്

നിലമ്പൂര്‍ എംഎല്‍എയായി ആര്യാടൻ ഷൗക്കത്ത് ഈ മാസം 27 ന് സത്യപ്രതിജ്ഞ ചെയ്യും. നിയമസഭയിലെ ശങ്കരനാരായണൻ തമ്പി ഹാളിൽ വൈകിട്ട് 3.30നാണ് സത്യപ്രതിജ്ഞ ചടങ്ങ്. നിയമസഭാ സ്പീക്കർ എ എൻ ഷംസീറിന് മുന്നിലാണ് ഷൗക്കത്ത് നിലമ്പൂര്‍ എംഎല്‍എയായി സത്യപ്രതിജ്ഞ ചെയ്യുക. യുഡിഎഫ് നിലമ്പൂർ മണ്ഡലം തിരിച്ചുപിടിച്ചത് 11,077 വോട്ടിന്‍റെ ഭൂരിപക്ഷത്തിലാണ്. ആദ്യമായാണ് 2016നുശേഷം മണ്ഡലത്തിൽ യുഡിഎഫ് വിജയിക്കുന്നത്. ആകെ പോള്‍ ചെയ്ത വോട്ടുകളിൽ 44.17ശതമാനം വോട്ട് സ്വന്തമാക്കിയാണ് ആര്യാടൻ ഷൗക്കത്ത് വിജയമുറപ്പിച്ചത്.