സംസ്ഥാനത്ത് സ്വർണ്ണവില വീണ്ടും കുറഞ്ഞു

സ്വർണ്ണ വില വീണ്ടും കുറഞ്ഞു. ഗ്രാമിന് 40 രൂപയുടെ കുറവാണുണ്ടായത്. 8895 രൂപയായാണ് വില കുറഞ്ഞത്. പവൻ്റെ വിലയിൽ 320 രൂപയുടെ കുറവുണ്ടായി. 71,160 രൂപയായാണ് പവൻ്റെ വില കുറഞ്ഞത്. ലോകവിപണിയിലും സ്വർണ്ണവില കുറയുകയാണ്. ഒരാഴ്‌ചക്കിടയിലെ കുറഞ്ഞ നിരക്കിലാണ് ലോകവിപണിയിൽ സ്വർണ്ണത്തിൻ്റെ വ്യാപാരം പുരോഗമിക്കുന്നത്. സ്പോട്ട് ഗോൾഡിൻ്റെ വിലയിൽ 0.7 ശതമാനം ഇടിവുണ്ടായി. ഔൺസിന് 3,268 ഡോളറായാണ് സ്പോട്ട് ഗോൾഡിൻ്റെ വില കുറഞ്ഞത്.