രണ്ട് ദിവസത്തെ ഇടവേളക്ക് ശേഷം വീണ്ടും സ്വർണ്ണവിലയിൽ വർദ്ധനവ്

രണ്ട് ദിവസത്തെ ഇടവേളക്ക് ശേഷം സ്വർണവിലയിൽ വർദ്ധനവ്. പവന് 280 രൂപയും ഗ്രാമിന് 35 രൂപയുമാണ് കൂടിയത്. ഇതോടെ ഗ്രാമിന് 8755 രൂപയും പവന് 70,040 രൂപയുമായി. വെള്ളിയാഴ്ചയാണ് ഇതിനുമുമ്പ് സ്വർണ്ണവില കൂടിയത് ഗ്രാമിന് 110 രൂപയുടെ വർദ്ധനയാണ് അന്നുണ്ടായത് പവൻ വില 880 രൂപ കൂടി 69760 രൂപയായിരുന്നു. വ്യാഴാഴ്‌ച സ്വർണ്ണവിലയിൽ വൻ ഇടിവ് രേഖപ്പെടുത്തി. പവൻ്റെ വിലയിൽ 1560 രൂപയുടെ കുറവാണ് ഉണ്ടായത്. ലോകവിപണിയിൽ സ്വർണ്ണവിലയിൽ ചാഞ്ചാട്ടം തുടരുകയാണ്. 6 മാസത്തിനിടെ ഒരാഴ്ചയിൽ ഉണ്ടാവുന്ന ഏറ്റവും വലിയ ഇടിവാണ് സ്വർണ്ണത്തിന് രേഖപ്പെടുത്തിയത്.