ആശാമാരുടെ ചർച്ച പരാജയം; മന്ത്രി വീണാ ജോർജ് ഇന്ന് ഡൽഹിയിലേക്ക്

ആശമാരുടെ ചർച്ച പരാജയപ്പെട്ടതിനു പിന്നാലെ മന്ത്രി വീണാ ജോർജ് ഇന്ന് ഡൽഹിയിലേക്ക് പോകും. ഡൽഹിയിൽ എത്തുന്ന വീണാ ജോർജ് കേന്ദ്ര ആരോഗ്യമന്ത്രി ജെ.പി. നദ്ദയുമായി പ്രശ്നം ചർച്ച ചെയ്യും. തിരുവനന്തപുരത്തു നിന്ന് രാവിലെ മന്ത്രി പുറപ്പെടും. ആശാവർക്കർ സമരക്കാർ ഉന്നയിച്ച വിഷയങ്ങൾ കേന്ദ്രമന്ത്രിയുടെ ശ്രദ്ധയിൽപ്പെടുത്തുന്നതോടൊപ്പം കേന്ദ്രം നൽകാനു ള്ള തുക അനുവദിക്കണമെന്നും മന്ത്രി ആവശ്യപ്പെട്ടേക്കും.സെക്രട്ടേറിയറ്റിന് മുന്നിൽ ഫെബ്രുവരി 10 മുതലാണ് ആശാ വർക്കർമാർ രാപ്പകൽ സമരം ആരംഭിച്ചത്. വിരമിക്കൽ ആനുകൂല്യം നൽകുക, ഓണറേറിയം വർധിപ്പിക്കുക തുടങ്ങി നിരവധി ആവശ്യങ്ങളാണ് ആശാവർക്കർമാർ ഉന്നയിക്കുന്നത്.