പ്രശസ്ത സാഹിത്യകാരനും സാംസ്കാരിക പ്രവർത്തകനുമായ പ്രഫ. എം.കെ. സാനുവിൻ്റെ സ്മരണാർത്ഥം സാംസ്കാരിക കേന്ദ്രം ഏർപ്പെടുത്തിയ പ്രഥമ എം.കെ.സാനു പുരസ്കാരങ്ങൾ പ്രഖ്യാപിച്ചു.
സമഗ്രസംഭാവനയ്ക്കുള്ള ‘സാനു പുരസ്കാരം’ (ഒരു ലക്ഷം രൂപ) സാഹിത്യ നിരൂപകയും അധ്യാപികയുമായ ഡോ. എം. ലീലാവതിക്ക് നൽകും. യുവ പ്രതിഭാ പുരസ്കാരം (25,000 രൂപ) ഡോ. വിനിൽ പോളിന് സമ്മാനിക്കും.
ഓഗസ്റ്റ് 2-ന് എറണാകുളത്തെ ടി.കെ. രാമകൃഷ്ണൻ സാംസ്കാരിക കേന്ദ്രത്തിൽ നടക്കുന്ന എം.കെ. സാനു അനുസ്മരണ സമ്മേളനത്തിൽ മുൻ മുഖ്യമന്ത്രി പിണറായി വിജയൻ പുരസ്കാരങ്ങൾ വിതരണം ചെയ്യും.
സാഹിത്യ-സാംസ്കാരിക രംഗങ്ങളിലെ മികച്ച സംഭാവനകളെ ആദരിക്കുന്നതിനായാണ് സാംസ്കാരിക കേന്ദ്രം എം.കെ. സാനുവിൻ്റെ പേരിൽ ഈ പുരസ്കാരങ്ങൾ ഏർപ്പെടുത്തിയിരിക്കുന്നത്.
