ബാംഗ്ലൂർ കെമ്പഗൗഡ അന്താരാഷ്ട്ര വിമാനത്താവളത്തിൽ എത്തിയ യുവതിക്ക് എബോള ബാധയില്ലെന്ന് റിപ്പോർട്ട്. യുവതിക്ക് എബോള ബാധയില്ലെന്ന് ആരോഗ്യ മന്ത്രാലയം പ്രസ്താവനയിലൂടെ വ്യക്തമാക്കി. എബോള പരിശോധനാഫലം നെഗറ്റീവ് ആണെങ്കിലും യുവതിയെ ഐസൊലേഷനിൽ നിന്ന് എപ്പോൾ മോചിപ്പിക്കുമെന്ന കാര്യം വ്യക്തമായിട്ടില്ല.
യുവതിയുടെ പരിശോധനാഫലം നെഗറ്റീവ് ആണെന്ന് ആരോഗ്യ മന്ത്രാലയം പ്രസ്താവനയിലൂടെ പറഞ്ഞു. ഉഗാണ്ടയിൽ നിന്നുള്ള 28 കാരിക്ക് രോഗലക്ഷണങ്ങൾ ഉണ്ടായിരുന്നില്ല. മുൻകരുതൽ എന്ന നിലയിലാണ് ഐസൊലേഷനിൽ പ്രവേശിപ്പിച്ചതെന്ന് യുവതിയെ ഐസൊലേറ്റ് ചെയ്ത ആശുപത്രിയിലെ മെഡിക്കൽ സൂപ്രണ്ട് ഡോ.അനിൽ കുമാർ ബനാഗർ പറഞ്ഞു. യുവതിക്കായി നേരിയ ശരീരവേദന അനുഭവപ്പെട്ടതായി മന്ത്രാലയം പറഞ്ഞു. യുവതിയുമായി ബന്ധപ്പെട്ട കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല.
