ബ്രിജ് ഭൂഷൺ ശരൺ സിംഗിനെതിരെ ലൈംഗികാരോപണം ഉന്നയിച്ച് പരാതി നൽകിയ ആറ് ഇരകളിൽ ഒരാൾ താനാണെന്ന് വെളിപ്പെടുത്തി വിനേഷ് ഫോഗട്ട്. ‘പരാതി നൽകിയ ആറ് ഇരകളിൽ ഒരാൾ ഞാനാണ്. ഞങ്ങളുടെ മൊഴികൾ രേഖപ്പെടുത്തുന്നത് തുടരുകയാണ്’ വിനേഷ് പറഞ്ഞു.
സോഷ്യൽ മീഡിയയിൽ പങ്കുവച്ച വീഡിയോയിലൂടെയാണ് താരം വെളിപ്പെടുത്തൽ നടത്തിയത്. അധികൃതർ ബ്രിജ് ഭൂഷണെതിരെ നടപടിയെടുക്കുന്നില്ലെന്നും സർക്കാരും സ്പോർട്‌സ് മന്ത്രാലയവും വെറും കാഴ്ച്ചക്കാരായി നിൽക്കുകയാണെന്നും താരം കുറ്റപ്പെടുത്തി. വ്യക്തിപരമായ അന്തസ് കണക്കിലെടുത്താണ് ഇത്രയും കാലം പേര് വെളിപ്പെടുത്താതിരുന്നത്.
യുപിയിലെ ഗോണ്ടയിൽ ഡബ്ല്യുഎഫ്ഐ റാങ്കിംഗ് ടൂർണമെന്‍റുകളും ട്രയൽസുകളും നടത്താൻ തീരുമാനിച്ച സാഹചര്യത്തിലാണ് തുറന്നുപറച്ചിലിന് നിർബന്ധിതയായത്. ബ്രിജ് ഭൂഷന്‍റെ ഉടമസ്ഥതയിലുള്ള സ്വകാര്യ കോളജിലാണ് മത്സരങ്ങൾ നടക്കുന്നത്.
