കാട്ടാന ശല്യം; മേക്കെദാട്ടു, സംഗമ എന്നിവിടങ്ങളിൽ സന്ദർശനവിലക്ക്

വന്യജീവി സങ്കേതമായ മേക്കെദാട്ടു, സംഗമ എന്നിവിടങ്ങളിലേക്കു മെയ് 3 വരെ സന്ദർശകർക്കു സർക്കാർ പ്രവേശനം നിരോധിച്ചു. കഴിഞ്ഞ ദിവസം കാട്ടാനയുടെ ആക്രമണത്തിൽ സ്ത്രീക്കു പരുക്കേറ്റിരുന്നു. കാട്ടാനകൾ വെള്ളം കുടിക്കാനായി മേഖലയിൽ പതിവായി തമ്പടിക്കുന്നതിനെ തുടർന്നാണിത്. പ്രതിദിനം അവധിക്കാലമായതിനാൽ ഒട്ടേറെ പേരാണു ഇവിടെ എത്തുന്നത്. നിരോധനം ലംഘിക്കുന്നവർക്കെതിരെ കർശന നടപടിയെടുക്കുമെന്നു വനംവകുപ്പ് റേഞ്ച് ഓഫിസർ പറഞ്ഞു.