തെലങ്കാനയിൽ 42 മാവോയിസ്റ്റുകൾ കീഴടങ്ങി

തെലങ്കാനയിൽ പീപ്പിൾസ് ലിബറേഷൻ ഗറില്ല ആർമി (പി.എൽ.ജി.എ) ഒന്നാം ബറ്റാലിയൻ്റെ അവസാന കമാൻഡർ സോഡി കേശലു എന്ന സോഡി കേശ (47) ഉൾപ്പെടെ 42 മാവോയിസ്റ്റുകൾ ആയുധം വച്ച് കീഴടങ്ങി. സോഡി കേശയുടെ തലയ്ക്ക് 20 ലക്ഷം രൂപ ഇനാം പ്രഖ്യാപിച്ചിരുന്നു. ഏരിയ കമ്മിറ്റി നേതാക്കൾ, ഡിവിഷണൽ കമ്മിറ്റി അംഗങ്ങൾ, പ്ലാറ്റൂൺ കമാൻഡർമാർ, ബസ്സർ മേഖലയിലും തെലങ്കാന അതിർത്തിയിലും സജീവമായ മാവോയിസ്റ്റുകളുടെ സൈനിക വിഭാഗത്തിലെ കേഡർമാർ എന്നിവരും ഉൾപ്പെടുന്നു. നാല് സെൽഫ്-ലോഡിംഗ് റൈഫിളുകൾ (എസ്എൽആർ), അഞ്ച് എ.കെ-സീരീസ് റൈഫിളുകൾ, മൂന്ന് ഇൻസാസ് റൈഫിളുകൾ, ആറ് ബാരൽ ഗ്രനേഡ് ലോഞ്ചറുകൾ, ഒരു 9 എംഎം പിസ്റ്റൾ, രണ്ട് റിവോൾവറുകൾ എന്നിവയാണ് ആയുധത്തിലുണ്ടായിരുന്നത്.