ബെംഗളൂരു മജസ്റ്റിക് റെയിൽവേ സ്റ്റേഷനിൽനിന്ന് 8.3 കോടി രൂപയുടെ രാസലഹരി പിടികൂടി

ഡൽഹിയിൽ നിന്ന് ബെംഗളൂരു മജസ്റ്റിക് റെയിൽവേ സ്റ്റേഷനിലെത്തിയ ട്രെയിനിൽനിന്ന് 8.3 കോടി രൂപയുടെ രാസലഹരി പിടിച്ച കേസിൽ 3 പേരെ റവന്യു ഇന്റലിജൻസ് അറസ്‌റ്റ് ചെയ്‌തു. 26 വയസ്സുകാരനായ മിസോറം സ്വദേശിയുടെ ബാഗിൽ നിന്നാണു ലഹരി പിടികൂടിയത്. ഇയാളിൽ നിന്ന് ലഭിച്ച വിവരങ്ങളുടെ അടിസ്ഥാനത്തിൽ ബെംഗളൂരുവിലെ വിവിധ സ്ഥലങ്ങളിൽനിന്നായി 2 പേരെ കൂടി പോലീസ് അറസ്‌റ്റ് ചെയ്തു. ഒരാളുടെ വീട്ടിൽ നിന്ന് 200 സിം കാർഡുകളും 45 ഡെബിറ്റ്, ക്രെഡിറ്റ് കാർഡുകളും മൊബൈൽ ഫോണുകളും പിടിച്ചെടുത്തു.