വന്ദേഭാരത് എക്സ്പ്രസിനു നേരെ കല്ലേറ്. കല്ലേറിൽ ട്രെയിനിന്റെ ഒമ്പതാമത്തെ കോച്ചിലെ ചില്ലിന് കേടുപാടുകൾ സംഭവിച്ചു. യാത്രക്കാർക്ക് പരിക്കില്ല. തിരുവനന്തപുരത്തുനിന്ന് കാസർഗോട്ടേക്ക് പോകുകയായിരുന്ന ട്രെയിനിന് നേരെയായിരുന്നു അക്രമം. ശനിയാഴ്ച രാത്രി എട്ടിനും ഒമ്പതിനും ഇടയിൽ ആലുവയ്ക്കും അങ്കമാലിയ്ക്കും ഇടയിൽ ആണ് കല്ലേറുണ്ടായത്.
റെയിൽവേ പോലീസ് കേസെടുത്ത് അന്വേഷണം ആരംഭിച്ചു. അക്രമികളെ തിരിച്ചറിയുന്നതിനായി അങ്കമാലി – ആലുവ മേഖലയിലെ സിസിടിവി ദൃശ്യങ്ങൾ പോലീസ് ശേഖരിച്ചിട്ടുണ്ട്.
