പുതുവത്സരാഘോഷങ്ങളുടെ ഭാഗമായി നാളെ കേരളത്തിലെ ബാറുകളുടെ പ്രവര്ത്തന സമയം നീട്ടി. ബാറുകള്ക്ക് രാത്രി 12 വരെ പ്രവര്ത്തിക്കാം. ബിയര് വൈന് പാര്ലറുകളുടെ സമയവും നീട്ടി നല്കിയിട്ടുണ്ട്. വിനോദസഞ്ചാരികളുടെ വരവ് കണക്കിലെടുത്താണ് തീരുമാനം. രാവിലെ 10 മുതല് രാത്രി 11 വരെയാണ് ബാറുകളുടെ പ്രവര്ത്തന സമയം. ഇതില് ഒരു മണിക്കൂറിന്റെ ഇളവാണ് നല്കിയിരിക്കുന്നത്.
കേരളത്തിൽ ആദ്യമായാണ് പുതുവത്സരാഘോഷങ്ങള്ക്ക് ബാറുകളുടെ പ്രവര്ത്തന സമയം ദീര്ഘിപ്പിക്കുന്നത്. ബെവ്കോ ഔട്ട്ലെറ്റുകളുടെ പ്രവര്ത്തന സമയം സാധാരണപോലെ ഒന്പതു മണി വരെയായിരിക്കും. വിവിധ ബാറുകള് പുതുവത്സരം പ്രമാണിച്ച് വലിയ ആഘോഷങ്ങള് ഒരുക്കിയിട്ടുണ്ട്.
