യുവതിയുടെ ആത്മഹത്യ: കേസിൽ പ്രതിയായതോടെ ഭർത്താവും ജീവനൊടുക്കി; അമ്മയും ജീ​വ​നൊ​ടു​ക്കാ​ൻ ശ്ര​മി​ച്ച് ആശുപത്രിയിൽ

ഭാ​ര്യ ജീ​വ​നൊ​ടു​ക്കി​യ​തി​നു പി​ന്നാ​ലെ ഭ​ർ​ത്താ​വി​നെ​യും മ​രി​ച്ച നി​ല​യി​ൽ ​ക​ണ്ടെ​ത്തി. ബെംഗളൂരു വിദ്യാരണ്യപുര ബിഇഎൽ ലേഔട്ടിൽ താമസക്കാരനായ സൂ​ര​ജ് ശി​വ​ണ്ണ (36) എ​ന്ന യു​വാ​വിനെയാണ് നാ​ഗ്പൂ​രി​ൽ ഒ​രു ഹോ​ട്ട​ൽ മു​റി​യി​ൽ ജീ​വ​നൊ​ടു​ക്കി​യ​ നിലയിൽ കണ്ടെത്തിയത്. ബം​ഗ​ളൂ​രു വിദ്യാരണ്യപുര സ്വ​ദേ​ശി​യാ​യ യു​വാ​വ് അ​മ്മ​യ്ക്കൊ​പ്പ​മാ​ണ് മ​ഹാ​രാഷ്‌ട്ര​യി​ൽ എ​ത്തി​യ​ത്. യു​വാ​വി​നൊ​പ്പം ജീ​വ​നൊ​ടു​ക്കാ​ൻ ശ്ര​മി​ച്ച അ​മ്മ​യു​ടെ നി​ല ഗു​രു​ത​ര​മാ​യി തു​ട​രു​ക​യാ​ണ്.

ഇക്കഴിഞ്ഞ വ്യാ​ഴാ​ഴ്ച​യാ​ണ് സൂ​ര​ജി​ന്‍റെ ഭാ​ര്യ ഗാ​ൻ​വി ബം​ഗു​ളൂ​രു​വി​ൽ മ​രി​ച്ച​ത്. യുവതിയുടെ മാ​താ​പി​താ​ക്ക​ൾ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ സൂ​ര​ജി​നെ​തി​രെ കേ​സ് ര​ജി​സ്റ്റ​ർ ചെ​യ്തി​രു​ന്നു. ചൊ​വ്വാ​ഴ്ച ആ​ത്മ​ഹ​ത്യ​ക്കു ശ്ര​മി​ച്ച യു​വ​തി​യെ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ബ്രെ​യി​ൻ ഡെ​ത്ത് സം​ഭ​വി​ച്ചി​രു​ന്നു. തു​ട​ർ​ന്ന് വെ​ന്‍റി​ലേ​റ്റ​റി​ലേ​ക്കു മാ​റ്റി​യ ഗാ​ൻ​വി​യു​ടെ മ​ര​ണം വ്യാ​ഴാ​ഴ്ച സ്ഥി​രീ​ക​രി​ച്ചു.

സ്ത്രീ​ധ​ന​ത്തി​ന്‍റെ പേ​രി​ൽ സൂ​ര​ജും കു​ടും​ബ​വും മ​ക​ളെ അ​ധി​ക്ഷേ​പി​ച്ചി​രു​ന്നെ​ന്നു ചൂ​ണ്ടി​ക്കാ​ട്ടി ഗാ​ൻ​വി​യു​ടെ മാ​താ​പി​താ​ക്ക​ൾ പോ​ലീ​സി​ൽ പ​രാ​തി​ൽ ന​ൽ​കി​യതിനെത്തുടർന്ന് ആ​ത്മ​ഹ​ത്യാ പ്രേ​ര​ണാ​ക്കു​റ്റം ചു​മ​ത്തി സൂ​ര​ജി​നെ​തി​രെ പോ​ലീ​സ് കേ​സെ​ടു​ത്തു. ഇ​തി​നു പി​ന്നാ​ലെ​യാ​ണു നാ​ഗ്‍​പൂ​രി​ലേ​ക്കു ക​ട​ന്ന യു​വാ​വ് ജീ​വ​നൊ​ടു​ക്കി​യ​ത്. സൂ​ര​ജി​ന്‍റെ സ​ഹോ​ദ​ര​ൻ സ‍‍​ഞ്ജ​യ് ശി​വ​ണ്ണ​യാ​ണ് ആ​ത്മ​ഹ​ത്യാ വി​വ​രം നാ​ഗ്പൂ​ർ പോ​ലീ​സി​ൽ അ​റി​യി​ച്ച​ത്. ബം​ഗു​ളൂ​രു​വി​ൽ വ​ച്ച് രണ്ടു മാസം മുന്നേ ആയിരുന്നു സൂ​ര​ജി​ന്‍റെ​യും ഗാ​ൻ​വി​യു​ടെ​യും വി​വാ​ഹം. ഹ​ണി​മൂ​ണി​നാ​യി ശ്രീ​ല​ങ്ക​യി​ലേ​ക്കു പോ​യെ​ങ്കി​ലും ചി​ല പ്ര​ശ്ന​ങ്ങ​ളെ​ത്തു​ട​ർ​ന്നു യാ​ത്ര പാ​തി​യാ​ക്കി ഇ​വ​ർ തി​രി​ച്ചു​പോ​ന്നി​രു​ന്നു. യു​വ​തി​യെ സൂ​ര​ജി​ന്‍റെ ബ​ന്ധു​ക്ക​ൾ നി​ര​ന്ത​രം അ​പ​മാ​നി​ച്ചി​രു​ന്ന​താ​യി മാ​താ​പി​താ​ക്ക​ൾ പ​റ​ഞ്ഞു. ഇ​തേ​ത്തു​ട​ർ​ന്നു യു​വ​തി​യെ മാതാപിതാക്കൾ വീ​ട്ടി​ലേ​ക്കു കൂ​ട്ടി​ക്കൊ​ണ്ടു​പോ​വു​ക​യും ചെ​യ്തി​രു​ന്നു.