പാക് താരം അർഷദിനെ പിന്തള്ളി, ജാവലിനിൽ ലോകത്തിലെ മികച്ച താരമായി നീരജ് ചോപ്ര

ഇന്ത്യൻ ജാവലിൻ ത്രോ താരം നീരജ് ചോപ്രയെ ലോകത്തിലെ ഏറ്റവും മികച്ച ജാവലിൻ താരമായി തിരഞ്ഞെടുത്ത് യുഎസിലെ പ്രശസ്‌ത മാഗസിനായ ട്രാക്ക് ആൻഡ് ഫീൾഡ് ന്യൂസ് ആണ്. 2024-ലെ ഏറ്റവും മികച്ച പുരുഷ താരമാണ് നീരജ്. ഒളിമ്പിക്‌സിൽ സ്വർണം നേടിയ പാകിസ്താന്‍റെ അർഷദ് നദീമിനെ മറികടന്നാണ് നീരജ് നേട്ടം സ്വന്തമാക്കിയത്. തൻ്റെ ഏറ്റവും മികച്ച പ്രകടനം പുറത്തെടുത്തില്ലെങ്കിലും നീരജ് ചോപ്ര പാരിസ് ഒളിമ്പിക്‌സിൽ വെള്ളി മെഡൽ സ്വന്തമാക്കിയിരുന്നു. ഒളിമ്പിക്‌സിൽ സ്വർണം നേടിയ പാകിസ്താന്‍റെ അർഷദ് നദീമിനെ മറികടന്നാണ് നീരജ് നേട്ടം സ്വന്തമാക്കിയത്. റെക്കോർഡോടെ ഒളിമ്പിക്സസ് സ്വർണം നേടിയ അർഷദിന് മാഗസീൻ നൽകിയത് അഞ്ചാം സ്ഥാനമാണ്. രണ്ടുതവണ ലോക ചാമ്പ്യനായ ഗ്രെനഡയുടെ ആൻഡേഴ്‌സൺ പീറ്റേഴ്സിനാണ് രണ്ടാം സ്ഥാനം നൽകിയത് പ്രധാന ഇവൻ്റുകളിലെ സ്ഥിരതയും ശക്തമായ സ്ഥാനവുമാണ് നിരജിനെ തിരഞ്ഞെടുക്കാൻ കാരണമെന്ന് മാഗസീൻ വ്യക്തമാക്കി. 90 മീറ്റർ താണ്ടുക എന്ന പ്രീസിസൺ ലക്ഷ്യം മറികടന്നില്ലെങ്കിലും താരത്തിൻ്റെ മൊത്തത്തിലുള്ള പ്രകടനം അഭിനന്ദഹം അർഹിക്കുന്നുവെന്ന് അവർ വ്യക്തമാക്കിയിട്ടുണ്ട്.