ജി.എസ്.‌ടി പരിഷ്കരണം; മിൽമയുടെ നൂറിലധികം ഉത്പന്നങ്ങളുടെ വില കുറയും

പാലുത്പന്നങ്ങളുടെ വില കുറച്ച് ജി.എസ്.‌ടി ഇളവിൻ്റെ ഗുണം ഇന്നുമുതൽ ഉപഭോക്താക്കളിൽ എത്തിക്കാൻ മിൽമ. വെണ്ണ, നെയ്യ്, ഐസ്ക്രീം, പനീർ, തുടങ്ങി നൂറിലധികം ഉത്പന്നങ്ങളുടെ വിലയാണ് കുറയുന്നത്. വെണ്ണ. നെയ്യ്, പനീർ എന്നിവയുടെ വിലയിൽ ഏഴ് ശതമാനം കുറവുണ്ടാകും. ഐസ്ക്രീമിന് 13 % വരെ വില കുറയും.
ഫ്ളേവേർഡ് പാലിൻ്റെ ജി. എസ്. ടി 12ൽ നിന്ന് 5 ശതമാനമാക്കി. പായസം മിക്സിൻ്റേത് 18ൽ നിന്ന് 5 ശതമാനമാക്കി. പായ്ക്ക് ചെയ്ത ജ്യൂസുകൾക്കും ഇളവുണ്ട്. ഗുണമേന്മയിൽ വിട്ടുവീഴ്ചയില്ലാതെ ജി.എസ്.ടി ഇളവുകളുടെ മുഴുവൻ നേട്ടവും ഉപഭോക്താക്കൾക്ക് കൈമാറാൻ കഴിഞ്ഞതിൽ സന്തോഷമുണ്ടെന്ന് മിൽമ ചെയർമാൻ കെ എസ് മണി പറഞ്ഞു.