ഭീകരവാദികളെ പിടികൂടുന്നതിനായി ജമ്മു കശ്മീരിലെ ദാര മേഖലയിൽ നടത്തിയ ഓപ്പറേഷൻ മഹാദേവിൽ സൈന്യം മൂന്ന് ഭീകരരെ വധിച്ചു. പഹൽഗാം ഭീകരാക്രമണത്തിലെ 2 ഭീകരരും കൊല്ലപ്പെട്ടവരിൽ ഉൾപ്പെട്ടിട്ടുണ്ടെന്ന് സൂചന. ശ്രീനഗറിലെ ദാര മേഖലയിൽ ഭീകരർക്കായി വ്യാപക തെരച്ചിൽ നടത്തുന്നതിനിടെയാണ് ഏറ്റുമുട്ടലുണ്ടായത്.
സംയുക്ത ഓപ്പറേഷൻ ഭീകരർക്കെതിരെ തുടങ്ങിയതായി സേന അറിയിച്ചു. തിങ്കളാഴ്ച ജമ്മു കശ്മീരിലെ ലിഡ്വാസിൽ തീവ്രവാദികളും സുരക്ഷാ സേനയും തമ്മിൽ ഏറ്റുമുട്ടൽ ഉണ്ടായതായി ചിനാർ പൊലീസ് സോഷ്യൽ മീഡിയ ഹാൻഡിലിൽ അറിയിച്ചു. ഡച്ചിഗാം ദേശീയോദ്യാനത്തിന് സമീപമുള്ള ഹർവാൻ പ്രദേശത്താണ് ഏറ്റുമുട്ടൽ നടന്നതെന്ന് അധികൃതർ വ്യക്തമാക്കി.
സുരക്ഷാ സേന ഇന്‍റലിജൻസ് വിവരത്തിന്‍റെ അടിസ്ഥാനത്തിൽ തീവ്രവാദ വിരുദ്ധ ഓപ്പറേഷൻ ഹർവാനിലെ മുൾനാർ പ്രദേശത്ത് ആരംഭിച്ചിരുന്നു. നിന്ന് രണ്ട് റൗണ്ട് വെടിയൊച്ചകൾ സുരക്ഷാ ഉദ്യോഗസ്ഥർ തിരച്ചിൽ നടത്തുന്നതിനിടെ ദൂരെ കേട്ടതായി ഉദ്യോഗസ്ഥർ പറഞ്ഞു.
തീവ്രവാദികളെ കണ്ടെത്തുന്നതിനായി കോമ്പിംഗ് പ്രവർത്തനങ്ങൾ ശക്തമാക്കിയതായും പ്രദേശത്തേക്ക് കൂടുതൽ സേനയെ അയച്ചതായും അധികൃതർ അറിയിച്ചു. മറ്റൊരു ആക്രമണത്തിന് പദ്ധതിയിട്ട ഭീകരരാണ് വധിക്കപ്പെട്ടതെന്ന് സേന വൃത്തങ്ങൾ അറിയിച്ചു.
