മലപ്പുറത്ത് ഓട്ടോറിക്ഷയിൽ നിന്ന് പുറത്തേക്ക് തെറിച്ചുവീണ് ഒന്നാം ക്ലാസ് വിദ്യാർത്ഥിനി മരിച്ചു

മലപ്പുറത്ത് പിതാവ് ഓടിച്ച ഓട്ടോറിക്ഷയിൽ നിന്ന് പുറത്തേക്ക് തെറിച്ചുവീണ് ഒന്നാം ക്ലാസ് വിദ്യാർത്ഥിനി മരിച്ചു. വളാഞ്ചേരി പുറമണ്ണൂർ സ്വദേശി ഫൈസലിന്‍റെയും ബൾക്കീസിൻ്റെയും മകൾ ഫൈസയാണ് (6) മരിച്ചത്. മലപ്പുറം തിരൂരിൽ വ്യാഴാഴ്ച രാത്രി എഴ് മണിയോടെയാണ് സംഭവമുണ്ടായത്. റോഡിലെ കുഴിയിൽ ഓട്ടോറിക്ഷ വീണപ്പോൾ പിൻ സീറ്റിൽ അമ്മയുടെ മടിയിലിരുന്ന കുട്ടി റോഡിലേക്ക് തെറിച്ചു വീഴുകയായിരുന്നു. പുറണ്ണൂർ യു.പി സ്‌കൂൾ ഒന്നാം ക്ലാസ് വിദ്യാർത്ഥിനിയാണ് ഫൈസ.