എട്ടാമത് ഒ.എൻ.ജി.സി-എം.ആർ.പി.എൽ രാജ്യാന്തര കൈറ്റ് ഫെസ്റ്റിവൽ ശനി, ഞായർ ദിവസങ്ങളിൽ മംഗളൂരു തണ്ണീർഭാവി ബീച്ചിൽ നടക്കും. ശനിയാഴ്ച വൈകീട്ട് അഞ്ചിന് ജില്ല ചുമതലയുള്ള മന്ത്രി ദിനേശ് ഗുണ്ടുറാവു പട്ടംപറത്തൽ ഉദ്ഘാടനം ചെയ്യും. എം.ആർ.പി.എൽ എം.ഡി. മുണ്ട്കൂർ ശ്യാംപ്രസാദ് കാമത്ത്, എക്‌സിക്യൂട്ടിവ് ഡയറക്ടർ ബി.എച്ച്.വി. പ്രസാദ് തുടങ്ങിയവർ പങ്കെടുക്കും. ഞായറാഴ്ച വൈകീട്ട് ഏഴിന് ഉത്സവം സമാപിക്കും. ദക്ഷിണ കന്നട ജില്ല ഡെപ്യൂട്ടി കമീഷണർ എം.പി. മുല്ലൈ മുഹിലൻ സമാപന ചടങ്ങ് ഉദ്ഘാടനം ചെയ്യും. എം.ആർ.പി.എൽ ഡയറക്ടർ നന്ദകുമാർ വേലായുധൻ പിള്ള അധ്യക്ഷത വഹിക്കും.
