പാക്കിസ്ഥാന്‍ നടത്തിയ വ്യോമാക്രമണത്തില് അഫ്‌ഗാനിസ്ഥാനിൽ 13 പേര്‍ കൊല്ലപ്പെട്ടു. മരിച്ചവരില്‍ 11 പേരും കുട്ടികളാണ്. 14 പേര്‍ക്ക് പരിക്കേറ്റിട്ടുണ്ട്. അഫ്‌ഗാനിലെ അതിർത്തി ഗ്രാമത്തിലാണ് ആക്രമണമുണ്ടായത്. ഉറങ്ങിക്കിടക്കുമ്പോഴാണ് ജനവാസ കേന്ദ്രങ്ങള്‍ക്ക് നേരെ വ്യോമാക്രമണം ഉണ്ടായതെന്ന് താലിബാന്‍ ആരോപിച്ചു.
അഫ്‌ഗാനിലെ കുനാര്‍, ഖോസ്റ്റ്, പാക്തിക എന്നീ പ്രവിശ്യകളിലാണ് ആക്രമണങ്ങളുണ്ടായതെന്ന് താലിബാന്‍ ഭരണകൂടത്തിന്‍റെ വക്താവ് സബീഹുള്ള മുജാഹിദ് പറഞ്ഞു. പാക്കിസ്ഥാന്‍ വീണ്ടും അഫ്‌ഗാന്‍ വ്യോമാതിര്ത്തി ലംഘിച്ചുവെന്നും എക്‌സില്‍ പങ്കുവച്ച പോസ്റ്റില്‍ വക്താവ് പറഞ്ഞു.
